Valhnetu- og hunangsnammi

25. nóvember, 2007

Jóhannesi fannst þessar rosalega góðar (og fleiri sem ég þekki) en mér fannst þær síðri, kannski af því að ég er ekki svo mikið fyrir hunang. Þeir sem eru jurtaætur (enska: vegan) myndu skipta hunanginu út fyrir agavesíróp því hunang er jú dýraafurð! Þetta nammi er hollt og gott og gaman að eiga í kælinum fyrir gesti. Valhnetur eru afar hollar og hjálpa til við að sporna gegn hjartasjúkdómum. Sesamfræin eru kalkrík og innihalda einnig holla fitu. Skipta má út valhnetum fyrir pecanhnetur.

Senda uppskrift

Prenta uppskrift

Setja í uppskriftabox

Valhnetunammi

2 ummæli

Þessi uppskrift er:

Án glúteins
Án mjólkur
Án eggja
Vegan
Hráfæði

Valhnetu- og hunangsnammi

Gerir 10-12 stykki

Innihald

50 g valhnetur, saxaðar mjög smátt
35 g kókosmjöl
1,5 msk carob
60 ml agavesíróp eða acacia hunang (eða agavesíróp)
50 g sesamfræ eða kókosmjöl (gæti þurft meira)

Aðferð

Saxið valhneturnar mjög smátt. Setjið í skál.
Bætið hunangi og carobi út í skálina og hrærið vel. Kælið deigið í um 30 mínútur.
Mótið litlar kúlur í höndunum (gott að nota plasthanska).
Veltið upp úr sesamfræjum eða kókosmjöli.
Kælið.

Gott að hafa í huga

Acacia hunang fæst í heilsubúðum en nota má agavesíróp í staðinn.
Nota má pecanhnetur í staðinn fyrir valhnetur.
Nota má kakó í stað carobs.
Nota má carob í stað kakós. Carob hentar þeim sem eru viðkvæmir fyrir örvandi efnum kakósins og hentar því börnum vel. Carob fæst í heilsubúðum og heilsuhillum matvöruverslana. Það fæst bæði sem duft (eins og kakó) og í plötum (eins og súkkulaði).