Ís
Jóhannes segist vera með íshólf í maganum. Það er sérstakt hólf sem er algjörlega óháð öllu öðru sem hann borðar. Það skiptir ENGU máli hversu saddur hann er eftir máltíð, hann gæti léttilega slátrað eins og einum lítra af ís án þess að blikka augum. Hann segir að þó hann sé svo saddur að hann sé bókstaflega að springa, fari ísinn í annað hólf í maganum og því finni hann ekki fyrir honum. He he. Hann er mikill ísmaður og flestir ísarnir hér eru til komnir vegna þess að ég hef fengið að heyra „mig langar svo í ííííííííísssssss”. Þá leggst ég í tilraunir því það er eins gott að halda forritara CafeSigrun góðum!
Mér finnst magnað að ís sé hægt að gera án eggja, rjóma og sykurs. Í staðinn má gera frábæra ísa með t.d. cashewhnetum, agavesírópi og vanillu, eða avocado, hlynsírópi, banana og kakói. Fyrir einhverjum árum síðan hefði mér ALDREI dottið það í hug. Svo að það sé líka á hreinu þá er Jóhannes, ísmaðurinn mikli afar hrifinn af ísunum mínum.
Ananas- og kókosís
Þessi ís er sá fyrsti sem ég prufa með stevia sætu eingöngu. Enginn viðbættur sykur er í ísnum.
Ávaxta- og cashewhnetuís
Þessi ís er ekkert nema vítamín og hollusta. Uppskriftin að ísnum kemur úr bók sem heitir einfaldlega RAW eftir strák að nafni Juliano.
Bláberja- og bananaís
Bláber og bananar. Namm. Þessi ís er mjólkurlaus og eggjalaus og hentar því vel fólki með þess konar óþol..hann er líka góður þó maður hafi ekkert óþol og er sérlega hollur.
Bláberja- og súkkulaðiís
Ohhh ég slefa við tilhugsunina. Bláber og súkkulaði , nammi namm. Þessi ís ætti eiginlega að heita andoxunarís með cashewhnetum.
Bláberjaísterta
Hafið þið einhvern tímann spáð í hvort að bláber haldi fegurðarsamkeppni? Ég gat ekki annað eftir einn berjamóinn. Ég valdi þátttakendur í keppnina og við Jóhannes dæmdum.
Cashewís
Þetta er ægilega góður ís og hentar vel fyrir þá sem eru með mjólkuróþol eða vilja engar dýraafurðir og/eða eru jurtaætur (enska: vegan).
Döðlu- og súkkulaðiís
Ég var ekki mikið fyrir að búa til ís hérna áður fyrr, því aðaluppistaðan í þessum hefðbundnu ísuppskriftum er yfirleitt eggjarauður, sykur og rjómi.
Græni ísinn
Þessi ís er ofsalega hollur og góður. Svo er hann ljómandi fallegur á litinn svona fagurgrænn!! Það er ekki alltaf sem ísinn kemst alla leið í frystinn því blandan sjálf er svo fáránlega góð.
Ískonfekt
Ískonfekt er alltaf svo skemmtilegt finnst mér því bæði er um að ræða konfekt með t.d. súkkulaði utan um og svo er maður með sörpræs líka því konfektmolinn er frosinn.
Jarðarberja- og banana íspinnar
Þetta eru aldeilis frábærlega hollir íspinnar. Þegar ég dreg þessa úr frystinum brosa bæði krakkar og fullorðnir út að eyrum og sleikja út um.
Jógúrtís með ananas og kiwi
Þetta er dálítið suðrænn ís þar sem í honum er meðal annars ananas og kiwi.
Mango- og kókosís
Þessi ís er afar bragðgóður enda mjög skemmtilegt bragð sem kemur þegar maður blandar mango og kókos saman.
Pride ísdrykkurinn
Þetta er sannkallaður gleðiísdrykkur, ég sé a.m.k. ekki að neinn geti verið stúrinn yfir að halda á glasi með regnboganum í!
Pride pinnar (gleðipinnar!)
Þessi uppskrift tók alveg voðalega langan tíma í undirbúningi en aðallega fyrir mig (því hún er sáraeinföld).
Rabarbara- og jarðarberjaís
Elva vinkona mín gaukar gjarnan að mér rabarbara yfir sumartímann. Það er alltaf gaman að fá rabarbarasendingu því þá er eiginlega vertíð í eldhúsinu mínu.
Rabarbara- og jarðarberjaíshristingur (sjeik)
Nammi nammi. Það er fátt betra en hristingur (sjeik) á heitum sumardegi og þá er ég auðvitað að meina hollur hristingur.
Rabarbara- og jarðarberjaíspinnar
Þessir íspinnar/frostpinnar eru afar hollir og upplagðir yfir sumartímann þegar rabarbarinn er að spretta út um allar jarðir.
Súkkulaðibitaís
Ég var lengi búin að vera að prófa mig áfram með ís sem væri hollur, léttur og án eggja. Ég held að það hafi tekist hér.
Súkkulaðimyntuís
Ég gerði þennan ís nokkrum sinnum því hann misheppnaðist alltaf. Eða sko...hann misheppnaðist ekki í eiginlegri merkingu heldur varð hann svo ljótur á litinn.
Vanilluís
Þetta er ansi holl útgáfa af jóla-vanilluís. Það er enginn rjómi, engin egg og enginn hvítur sykur í ísnum. Ég notaði kókosolíu, agavesíróp og möndlumjólk. Döðlurnar gefa líka sætt bragð.
Vanillumjólkurhristingur (sjeik)
Þessi hristingur er upplagður á heitum sumardegi í staðinn fyrir að fara í ísbúðina, og milljón sinnum hollari líka.
