Coriander- og perusalsa

4. mars, 2003

Þetta er gott meðlæti, afar ferskt og hollt og passar með réttum frá ýmsum löndum t.d. frá Indlandi, Thailandi, Afríku og meira að segja með grillmatnum á Íslandi. Mér finnst gott að hafa það í sætari kantinum svo stillið agavesírópið af eftir smekk. Best er að leyfa salsanu að standa í ísskápnum í um klukkustund eða lengur áður en það er borið fram. Best er að setja plast yfir svo avocadoið og peran verði ekki brúnleit.

Senda uppskrift   Prenta uppskrift   Setja í uppskriftabox

Frísklegt og fallegt salat
0 ummæli 0 ummæli

Þessi uppskrift er:

  • Án glúteins
  • Án mjólkur
  • Án eggja
  • Án hneta
  • Vegan
  • Hráfæði

Coriander- og perusalsa

Fyrir 4 sem meðlæti

Innihald

  • Safi úr einni límónu
  • 1 rauður chili pipar, saxaður smátt
  • 1 hvítlauksrif, pressað
  • 2 msk fersk corianderlauf, söxuð
  • 1 pera, vel þroskuð, maukuð
  • 2 avocado, vel þroskuð, maukuð
  • Salt (Himalaya eða sjávarsalt) og pipar eftir smekk
  • 2 tsk agavesíróp

Aðferð

  1. Skerið chili piparinn langsum og fræhreinsið. Saxið afar smátt.
  2. Saxið corianderlaufin smátt.
  3. Afhýðið peruna og avocadoin og skerið í grófa bita.
  4. Setjið avocadoin og peruna í skál og stappið/maukið (ekki samt þannig að verði alveg maukað).
  5. Skerið límónuna til helminga og kreistið safann yfir maukið.
  6. Hrærið chili pipar og corianderlauf út í skálina.
  7. Hrærið agavesírópi út í skálina.
  8. Saltið og piprið eftir smekk.
  9. Látið salsað standa í kæli í um klukkustund.

Gott að hafa í huga

  • Salatið má gera með dags fyrirvara og er þá best að pakka því vel inn í plast svo að avocadoið verði ekki brúnt.
Flokkar Salöt, Grænmeti, Hitt og þetta, Á ávallt við, Detox, Sumar
Senda á facebook   Senda uppskriftina á twitter   Pin It  
Senda uppskrift   Prenta uppskrift   Setja í uppskriftabox
© CafeSigrun 2024