Appelsínu- og ólífusalat frá Morocco

Þetta salat er frískandi og sumarlegt og alveg frábært til að bera fram sem öðruvísi salat hvort sem þið berið fram hefðbundið grænt salat líka eða ekki. Stundum er gaman að breyta til, sérstaklega á sumrin! Uppskriftin er úr frábærri bók sem ég hef átt í mörg ár og heitir North African Cooking.


Appelsínu- og ólífusalat frá Morocco

Þessi uppskrift er:

  • Án glúteins
  • Án mjólkur
  • Án eggja
  • Án hneta
  • Vegan

Appelsínu- og ólífusalat frá Morocco

Fyrir 2 sem meðlæti

Innihald

  • 1 appelsína
  • Fjórðungur af rauðlauk
  • 6-8 svartar ólífur, steinalausar
  • Smá klípa cayenne pipar
  • 1 msk ólífuolía
  • 0,5 tsk agavesíróp
  • Fersk corianderlauf til skreytingar (má sleppa)

Aðferð

  1. Skrælið appelsínuna og hreinsið allt hvíta hýðið utan af henni sem og himnuna sem umlykur appelsínuna. Best er að skera appelsínuna á bakka með börmum því þið þurfið að nota safann sem kemur af appelsínunni.
  2. Skerið rauðlaukinn í örþunnar sneiðar og aðskiljið hringina í sneiðunum.
  3. Raðið appelsínusneiðunum á disk. Dreifið laukhringjunum yfir sneiðarnar.
  4. Sneiðið ólífurnar (má sleppa því að sneiða þær).
  5. Dreifið ólífunum yfir sneiðarnar.
  6. Í litla skál skuluð þið blanda saman ólífuolíunni, cayenne piparnum, appelsínusafanum og agavesírópinu.
  7. Hrærið vel og hellið yfir salatið.
  8. Látið salatið standa við stofuhita í um klukkutíma til að bragðið nái að „taka sig".

Gott að hafa í huga

  • Salatið má gera með dags fyrirvara. Best er að geyma salatið í ísskáp og taka það út um klukkutíma áður en á að bera það fram. Hellið þá vökvanum yfir og látið standa.

Ummæli um uppskriftina

Gunnar
28. júl. 2017

Morocco heitir víst Marokko á íslensku!

sigrun
28. júl. 2017

Það er reyndar Marokkó á íslensku (ekki Marokko) en ég nota yfirleitt ekki íslensku heitin því mér þykir þau oft afkáranleg...sbr. Jórvíkurskíri í stað Yorkshire. 

Skrifa ný ummæli

Vinsamlegast athugið að reiti merkta með * þarf að fylla út.
 
Innihald þessa svæðis verður ekki sýnilegt almenningi.
Þessi spurning hér að neðan er til að varna því að spamvélar geti sett inn sjálfvirkar færslur.
Vinsamlegast leggðu saman tölurnar og skrifaðu niðurstöðurnar. T.d. fyrir einn plús þrír, skaltu skrifa 4.
tólf plús tveir eru