Heimsóknir á CafeSigrun

Jóhannes var að kíkja á tölfræðina bak við vefinn minn (sýnir hversu margir skoða vefinn minn og svoleiðis) og mig rak nú bara í rogastans. Það eru um það bil 1600-1700 manns sem skoða CafeSigrun í hverjum mánuði (eykst sífellt), um 60 manns á dag og þessi 60 manns eru að skoða um 2-3 síður hver á dag. Það eru 5 þúsund flettingar (síður sem eru skoðaðar) í hverjum mánuði!!! Ég hélt að það væru kannski 3 hræður að skoða vefinn á mánuði eða álíka :) En svo sem miðað við póstlistann og svona vissi ég að það væru fleiri en ég hélt að það væru nú ekki SVONA margir og fjöldinn hefur aukist jafnt og þétt síðan ég uppfærði vefinn. Ég er bara rosa glöð yfir því. Ok ég veit að þetta er ekkert eins og vefur Morgunblaðsins en ég hef aldrei auglýst vefinn minn og hann var upphaflega bara ætlaður fyrir mig svo það er bara rosa gaman að fólk sé að skoða hann og nota.