Melónu- og jógúrtdrykkur

15. október, 2006

Hreinsandi og nærandi drykkur (smoothie), fullur af vítamínum. Upplagður í morgunsárið eða að loknum krefjandi vinnudegi þegar mann langar í eitthvað sætt... en hollt.

Kantalópur (enska: cantaloupe) eru pakkfullar af C og A vítamínum (Beta Carotine) og eru mikilvægir bakhjarlar, með sínum andoxunaráhrifum þegar kemur að því að sporna gegn krabbameini. A vítamín er einnig mikilvægt fyrir sjónina sem og fyrir heilbrigð lungu. Nafnið á kantalópum er komið frá samnefndu ítölsku þorpi en þar voru kantalópur fyrst ræktaðar í kringum árið 1700. Þessi ávöxtur er úr sömu fjölskyldu og gúrkur og grasker sem er svolítið fyndið. Kantalópur heita stundum netmelónur (enska: nettet melon) vegna þess að fínlegt, ljóst net vex utan á ávextinum. Þá er fyrirlestri dagsins lokið um kantalópur, allir orðnir svangir og best að búa til drykkinn holla!

Athugið að þið þurfið blandara til að útbúa þennan drykk.

Senda uppskrift

Prenta uppskrift

Setja í uppskriftabox

Melónu- og perudrykkur

0 ummæli

Þessi uppskrift er:

Án glúteins
Án mjólkur
Án eggja
Án hneta
Vegan

Melónu- og jógúrtdrykkur

Fyrir 2

Innihald

Hálf, vel þroskuð kantalópa
100 ml hreinn appelsínu eða eplasafi
1 vel þroskuð pera, afhýdd, kjarnhreinsuð og skorin í stóra bita
Hálfur banani (má sleppa)
100 ml sojajógúrt (eða AB mjólk)
Nokkrir ísmolar

Aðferð

Skerið melónuna í hálft og afhýðið hana. Skafið út steina og annað og skerið melónukjötið í bita.
Afhýðið peruna, kjarnhreinsið og skerið í stóra bita.
Setjið ísmolana í blandarann og hellið 50 ml af appelsínusafanum út á. Blandið í um 5 sekúndur.
Setjið melónu, banana og peru út í blandarann og blandið í um 10 sekúndur eða þangað til mjúkt.
Bætið appelsínusafanum og jógúrtinni út í.
Blandið í um 10 sekúndur eða þangað til silkimjúkt.