Mangokarrísósa

Þessi uppskrift hentar með alls kyns mat, t.d. kjúklingi og fiski og einnig með alls kyns grænmetisréttum, helst þá af indverskum toga. Létt og góð sósa og passlega sterk! Hún hentar líka einstaklega vel með grilluðum mat.  Mangomauk (mango chutney) tekur smá stund í undirbúning en maður getur átt það í ísskáp í margar vikur og jafnvel mánuði ef krukkan er sótthreinsuð. Einnig má kaupa mangomauk í heilsubúðum. Mangomauk sem fæst í venjulegum stórmörkuðum er yfirleitt hlaðið sykri og aukaefnum.