Kiwi- og bananadrykkur

2. mars, 2003

Þetta var bara svona tilraun einn laugardaginn með ávexti úr ísskápnum. Saðsamur og hollur drykkur, fullur af vítamínum og skemmtilega grænn á litinn.

Athugið að blandara þarf til að útbúa þennan drykk.

Senda uppskrift   Prenta uppskrift   Setja í uppskriftabox

0 ummæli 0 ummæli

Þessi uppskrift er:

  • Án glúteins
  • Án mjólkur
  • Án eggja
  • Án hneta
  • Vegan

Kiwi- og bananadrykkur

Fyrir 2

Innihald

  • 1 vel þroskað kiwi, afhýtt og skorið í stóra bita
  • Nokkrir ísmolar
  • 50 ml sojamjólk (eða önnur mjólk)
  • 50 ml appelsínusafi, hreinn
  • 100 ml sojajógúrt eða venjuleg jógúrt
  • 1 vel þroskaður banani

Aðferð

  1. Afhýðið kiwiið og skerið í stóra bita.
  2. Setjið ísmola í blandara ásamt 50 ml af sojamjólk. Blandið í um 5 sekúndur.
  3. Setjið kiwi, banana, appelsínusafa og sojajógúrt í blandarann og blandið í um 10 sekúndur.
  4. Hellið í glös og berið fram strax.

Gott að hafa í huga

  • Ef kiwiið er ekki nógu vel þroskað, er ágætt að setja eina msk af agavesírópi út í drykkinn svo hann verði ekki súr.
  • Gætið þess að blanda drykkinn ekki mjög lengi því ef steinarnir í kiwiinu fara að brotna gæti drykkurinn orðið bitur á bragðið.
  • Nota má hrísmjólk, möndlumjólk, sojamjólk eða haframjólk í staðinn fyrir léttmjólk.
     
Flokkar Drykkir, Sumar
Senda á facebook   Senda uppskriftina á twitter   Pin It  
Senda uppskrift   Prenta uppskrift   Setja í uppskriftabox
© CafeSigrun 2024