Kínversk ýsa

27. febrúar, 2003

Hljómar skringilega kannski, kínversk ýsa, en þessi réttur er algjört nammi, algjör dekurýsa og alveg þess virði að prófa hann. Bráðhollur réttur í þokkabót. Mig minnir að upprunalega hafi þessi uppskrift komið úr Nýkaupsbókinni hans Sigga Hall en ég er lítilega búin að breyta uppskriftinni (nota kókosolíu í stað ólífuolíu, tamarisósu í stað sojasósu og agavesíróp í stað sykurs).

Senda uppskrift   Prenta uppskrift   Setja í uppskriftabox

4 ummæli 4 ummæli

Þessi uppskrift er:

  • Án glúteins
  • Án mjólkur
  • Án eggja
  • Án hneta

Kínversk ýsa

Fyrir 4

Innihald

  • 800 g ýsuflök, beinhreinsuð og roðflett
  • 1 msk kókosolía
  • 1 msk sesamolía
  • 3 msk tamarisósa 
  • 1 msk hvítvínsedik (e. hvítvínsedik) eða hrísgrjónaedik
  • Nokkrir steviadropar án bragðefna eða 1 msk agavesíróp
  • 3 sm bútur ferskt engifer, afhýtt og saxað mjög smátt
  • 3 hvítlauksrif, afhýdd og söxuð smátt
  • 4-8 vorlaukar (eftir stærð), skornir í 5 sm bita (ljósi og græni hlutinn)
  • 1 rauð eða gul paprika, skorin í strimla
  • Smá klípa svartur pipar

Aðferð

  1. Skerið ýsuna í 12 jafnstóra bita.
  2. Blandið saman í skál; kókosolíunni, tamarisósunni, hvítvínsedikinu og steviadropum. Hrærið vel.
  3. Afhýðið engiferið og hvítlaukinn og saxið smátt. Setjið út í skálina.
  4. Skerið vorlaukana í 5 sm bita og setjið í skálina.
  5. Skerið paprikuna langsum, fræhreinsið og skerið hana í strimla. Setjið út í skálina.
  6. Hellið innihaldi skálarinnar yfir ýsubitana. Látið ýsubitana liggja í vökvanum í 1-2 klukkustundir eða lengur
  7. Takið ýsubitana upp úr og leggið í eldfast mót.
  8. Takið sem mest af grænmetinu sem er í skálinni og látið það með skeið ofan á ýsubitan. Hellið vökvanum yfir ýsubitana.
  9. Kryddið svolítið með svörtum pipar.
  10. Hitið ofninn í 140°C og bakið fiskinn í 10-15 mínútur.

Gott að hafa í huga


  • Berið fram með hýðishrísgrjónum eða byggi og tamarisósu.

  • Nota má gula papriku í staðinn fyrir rauða.

  • Nota má annan fisk í staðinn fyrir ýsu t.d. þorsk, steinbít eða lúðu.

Flokkar Fiskur, Á ávallt við
Senda á facebook   Senda uppskriftina á twitter   Pin It  
Senda uppskrift   Prenta uppskrift   Setja í uppskriftabox
© CafeSigrun 2024

Ummæli um uppskriftina

barbietec
03. júl. 2011

Meira segja drengurinn (3ja ára) borðaði fiskinn og af disknum hjá pabba sínum þegar hann var búinn með sinn!

Ég sem sagt get mælt með þessum rétti! En það kæmi mér ekki á óvart að það væri hægt að setja dressinguna á kjúkling líka

sigrun
03. júl. 2011

Dressingin má vel fara á kjúkling og grænmeti líka...og gaman að heyra að strákurinn hafi borðað vel af matnum, það eru alltaf góð meðmæli (sérstaklega þegar um fisk er að ræða) :)

gestur
19. des. 2011

ég gerði þennan um daginn og ætla að gera hann aftur í kvöld, hrikalega góður, en hvernig salat helduru að sé gott að hafa með?

sigrun
19. des. 2011

Gott að heyra :) Ég myndi mæla með einföldu salati með tahini sósu&; eða salati sem passar með ýmsum mat