Banana-, döðlu- og möndlustangirBanana-, döðlu- og möndlustangir
1. júlí, 2007
Ef þessar orkustangir koma ykkur ekki upp síðustu metrana upp fjallið þá veit ég ekki hvað gerir það. Þær eru stútfullar af próteinum, flóknum kolvetnum, hollri fitu og meira að segja kalki! Þær eru líka gott og hollt nesti í vinnuna svona þegar maður er orðinn svangur þegar líða fer á daginn og langar í eitthvað í sætari kantinum. Mér finnst þessar orkustangir algjört æði og Jóhannesi finnst það líka, ekki síst vegna þess að þær komu honum síðustu metrana upp Kilimanjaro.
Athugið að þið þurfið matvinnsluvél til að útbúa þessa uppskrift.
Senda uppskrift
Prenta uppskrift
Setja í uppskriftabox
13 ummæliÞessi uppskrift er:
- Án glúteins
- Án mjólkur
- Án eggja
- Vegan
- Hráfæði
Banana-, döðlu- og möndlustangir
Gerir 20 stangir
Innihald
- 460 g þurrkaðir bananar (EKKI bananaflögur), saxaðir gróft
- 120 g döðlur, saxaðar gróft
- 200 g möndlur
- 4 msk appelsínusafi
Aðferð
- Malið möndlurnar í matvinnsluvél í um 10 sekúndur eða þangað til þær eru orðnar nokkuð fínmalaðar án þess að þær verði olíukenndar. Setjið í stóra skál.
- Saxið banana og döðlur gróft og setjið í matvinnsluvélina með appelsínusafanum. Blandið í 30 sekúndur eða þangað til vel saxað án þess að verði maukað. Bætið við meiri appelsínusafa ef ykkur finnst þurfa. Blandan ætti ekki að vera að algjöru mauki samt heldur meira eins og þétt deig.
- Blandið öllu saman með höndunum og hnoðið vel eða notið hrærivél og deigkrók.
- Mótið stangir (ég miða við 40 grömm) og pakkið hverri og einni inn í plast.
- Það má auðvitað móta kúlur, kubba o.s.frv. allt eftir smekk.
Gott að hafa í huga
- Það er góð tilbreyting að setja eins og 1 tsk af kanil saman við.
- Þurrkaðir bananar eru dökkbrúnir, litlir og mjóir og seigir undir tönn. Þeir fást í heilsubúðum og í heilsudeildum stærri matvöruverslana. Þurrkaðir bananar eru EKKI það sama og hunangshúðuðu bananaskífurnar sem fást víða.
Tengdar uppskriftir
© CafeSigrun 2024
Ofnæmi/Óþol
CaféSigrún bókin
Bloggið
Póstlistinn
Skráðu þig á póstlistann og fáðu nýjustu uppskriftirnar sendar í pósti
Ummæli um uppskriftina
25. nóv. 2010
Er eitthvað hægt að nota í staðinn fyrir döðlur í þessa uppskrift??
25. nóv. 2010
Þú getur notað sama magn af aprikósum og jafnvel aðeins af rúsínum í staðinn.
19. jan. 2011
Hvað geymist þetta lengi?
19. jan. 2011
Geymist í nokkrar vikur í kæli en nokkra mánuði í frysti.
Kv.
Sigrún
15. feb. 2011
þessir bananar sem þú talar um þarna ég hef ekki fundið þá veistu til þess að þeir fáist hér á landi?
15. feb. 2011
Ég keypti þá alltaf í Yggdrasli (gott ef þeir voru ekki frá Rapunzel merkinu) en þeir fengust líka í heilsudeild Hagkaups í Kringlunni.
Kv.
Sigrún
09. mar. 2011
girnilegt
07. apr. 2011
Má nota venjulega banana í staðinn? :)
08. apr. 2011
Sæl María
Nei þeir eru of mjúkir. Þú getur notað þurrkaðar aprikósur í staðinn en stangirnar verða auðvitað ekki alveg eins. Þú getur prófað þig áfram með hálfan banana kannski en ég hugsa að stangirnar verði of mjúkar/blautar.
22. jún. 2011
Maðurinn minn er með ofnæmi fyrir sítrus ávöxtum, hverju myndir þú mæla með að nota í staðinn í stangirnar ?
22. jún. 2011
Notaðu sama magn af vatni í staðinn :)
Kv.
Sigrún
15. jan. 2013
Er aðeins að pæla í þessum þurkuðu bönunum, er hægt að þurka þá heima og veistu hvernig það er gert?
15. jan. 2013
Þú getur það ef þú átt þurrkofn fyrir hráfæði (eða bakar bananana við 50°C í um sólarhring eða lengur og hefur sleif á milli stafs og hurðar á ofninum). Bananarnir fást í heilsubúðum sem og í Hagkaupum Kringlunni (síðast þegar ég vissi) ef þú átt leið þar hjá.