AnanasdrykkurAnanasdrykkur
Þetta er hollur og góður drykkur, ananas á að hreinsa þvagfærakerfið, bæta meltinguna (inniheldur meltingarensímið bromelain), styrkja beinin, lækka blóðþrýsting, er trefjaríkur og ég veit ekki hvað. Ananassafi á líka, las ég einhvers staðar, á víst að vera góður fyrir hjartasjúklinga. Bananar eru fullir af B6 vítamíni, potassium (kalíum/kalín), kalki, C og A vítamínum og auðvitað trefjum og flóknum kolvetnum sem hjálpa til við meltingu og til að jafna blóðsykurinn. Kalíum er mikilvægt til að sporna við hjartasjúkdómum. Í einum meðalstórum banana er um 11% dagsþörf af kalíum. Appelsínur er óþarft að kynna enda pakkfullar af C vítamíni :) Hreinn snilldardrykkur, þarf ég að segja meira?. Ægilega góður drykkur og bæði þykkur og kremaður.
Athugið að þið þurfið blandara til að útbúa þennan drykk.
Senda uppskrift
Prenta uppskrift
Setja í uppskriftabox
Dásamlega þykkur og góður drykkur (smoothie)
0 ummæliÞessi uppskrift er:
- Án glúteins
- Án mjólkur
- Án eggja
- Án hneta
- Vegan
Ananasdrykkur
Innihald
- Nokkrir ísmolar
- 400 g mjög vel þroskaður ananas, afhýddur, kjarnhreinsaður og saxaður
- 1 stór, mjög vel þroskaður banani
- 100 ml hreinn appelsínusafi (meira eftir smekk)
- 50 ml sojamjólk (má sleppa)
Aðferð
- Setjið ísmolana í blandarann og hellið svolitlu af safanum út á. Blandið í nokkrar sekúndur.
- Afhýðið ananasinn, kjarnhreinsið og skerið í bita. Setjið 400 g af ananasinum út í blandarann ásamt afganginum af appelsínusafanum. Blandið í um 30 sekúndur eða þangað til silkimjúkt.
- Afhýðið bananann og bætið honum út í ásamt sojamjólkinni. Blandið í um 10 sekúndur.
- Bætið meira af sojamjólkinni saman við ef þið viljið þynnri drykk.
- Berið fram strax.
Gott að hafa í huga
- Nota má undanrennu, hrísmjólk, haframjólk eða möndlumjólk í staðinn fyrir sojamjólk.
- Ef drykkurinn er ekki nógu sætur (hann ætti að vera það með þroskuðum ávöxtum), má setja um 1 msk af agavesírópi út í.
