Súkkulaði- og bananabúðingur

Aðferð

1. Leggið cashewhneturnar í bleyti í sólarhring (ef þið sleppið því þurfið þið að mauka þær lengur).
2. Hellið vatninu af cashewhnetunum, setjið þær í matvinnsluvél og maukið alveg þangað til hneturnar fara að mynda kekki, gæti tekið nokkrar mínútur. Skafið hliðar matvinnsluvélarinnar og haldið áfram í 1 mínútu. Mikilvægt er að hneturnar séu mjög vel maukaðar.
3. Bætið 1 tsk af kókosolíu út í skálina á meðan vélin vinnur.
4. Setjið banana, salt, agavesíróp, vanilludropa og sojamjólk í matvinnsluvélina og blandið vel. Bætið afganginum af kókosolíunni saman við og maukið í 30 sekúndur eða þangað til silkimjúkt.
5. Skiptið blöndunni þannig að hún sé 60/40 og geymið ljósa hlutann (og hafið hann minni þ.e. 40 á móti 60) í ísskáp með plasti yfir.
6. Bætið kakóinu út í blönduna sem eftir er í matvinnsluvélinni (sem er 60 á móti 40 þ.e. stærri hluti en sá ljósi) og blandið vel.
7. Hellið helmingnum af kakóblöndunni í tvö 100 ml glös (t.d. kokteilglös). Geymið afganginn af kakóblöndunni á borðinu.
8. Látið kakóblönduna í glösunum stífna í ísskápnum í klukkutíma.
9. Takið glösin úr ísskápnum og skiptið bananablöndunni í tvennt og hellið yfir kakóblönduna í glösunum.
10. Látið stífna í glösunum í klukkutíma.
11. Endið á afganginum af súkkulaðiblöndunnni sem er nú við stofuhita. Skiptið jafnt og hellið yfir bananablönduna.
12. Dustið með kakói yfir súkkulaðiblönduna og skreytið með kakónibbum.
13. Setjið plastfilmu yfir glösin og geymið í ísskápnum.
14. Áður en bera á búðinginn fram er best að láta hana standa í stofuhita í 30 mínútur.