Spergilkáls- og blómkálsréttur í ofni

1. mars, 2003

Ég fékk þessa uppskrift af netinu fyrir hundrað árum. Þetta er bara svona ódýr grænmetisréttur í miðri viku, engin flottheit, ekkert flókið, bara hollt og gott. Rétturinn er líka fínn sem meðlæti.

Senda uppskrift

Prenta uppskrift

Setja í uppskriftabox

0 ummæli

Þessi uppskrift er:

Án eggja
Án hneta

Þessa uppskrift er auðvelt að gera:

Án glúteins
Án mjólkur

Spergilkáls- og blómkálsréttur í ofni

Fyrir 2

Innihald

175 g blómkál, brotið í sprota
175 g spergilkál (brokkolí), brotið í sprota
125 ml hrein jógúrt
100 g magur ostur, rifinn
1 tsk hreint sinnep
1 tsk agavesíróp
2 msk brauðrasp (ristið spelt brauðsneið)
0,5 tsk salt (Himalaya eða sjávarsalt)
0,5 tsk svartur pipar

Aðferð

Skerið blómkál og spergilkál í bita og sjóðið í söltu vatni í 8-10 mínútur. Kælið.
Rífið ostinn og blandið honum saman við jógúrt, sinnep og agavesíróp.
Kryddið með salti og pipar og hellið svo yfir grænmetið.
Ristið spelt brauðsneið og myljið (getið sett í augnablik í matvinnsluvél eða blandara). Setjið brauðraspið yfir sósuna.
Setjið í eldfast mót (óþarfi að smyrja mótið).
Hitið við 200°C í 10-15 mínútur.

Gott að hafa í huga

Það er gott að bera fram tamarisósu og ferskt salat með þessum rétti.
Það er hægt að nota spelt hrökkbrauð í staðinn fyrir spelt brauðsneið. Mylja má hrökkbrauðið í höndunum eða setja það í poka og lemja með einhverju þungu.
Ef þið hafið mjólkuróþol getið þið notað sojaost og einnig getið þið notað sojajógúrt eða hafrarjóma í staðinn fyrir jógúrtina.
Nota má meira grænmeti í réttinn og t.d. er gott að setja sveppi, papriku, lauk o.fl. út í.
Ef þið hafið glúteinóþol getið þið notað glúteinlaust brauðrasp.