Sesam- og döðlu orkubitar

Sesamfræ eru kalk- og próteinrík og valhnetur eru fullar af omega 3 fitusýrum sem eru svo góðar til að sporna gegn hjartasjúkdómum og of háum blóðþrýstingi. Þar sem líkaminn framleiðir ekki þessar mikilvægu fitusýrur er nauðsynlegt fyrir okkur að hjálpa honum aðeins með því að borða t.d. lúku af valhnetum öðru hvoru. Valhnetur hafa einnig þótt hjálpa einstaklingum með exem og önnur húðvandamál sem og fólki með astma. Valhnetur innihalda einnig ellagic acid sem eru sýrur sem eiga að hjálpa til við að sporna gegn krabbameini en einnig styðja þær við ónæmiskerfið.  Þessir bitar eru upplagðir þegar mann langar í eitthvað hollt en gott svona á milli mála. Mér finnst best að frysta bitana og borða þá nánast frosna því þeir verða svolítið klístraðir. Það má einnig nota blönduna sem kökubotn eða sem konfekt. Nota má sólblómafræ á móti sesamfræjunum.

Athugið að nauðsynlegt er að nota matvinnsluvél fyrir þessa uppskrift. Einnig þurfið þið 20 sm ferkantað form.