Sætur og járnríkur spergilkálssafi (risaeðludrykkur)

Þessi drykkur er einstaklega vítamínríkur og hressandi. Í spergilkáli (brokkolíi) er mikið af C og K sem og A vítamínum. Spergilkál er líka járnríkt og á það að berjast kröftuglega gegn myndun krabbameins. Einnig er spergilkál trefjaríkt. Drykkurinn ber einungis keim af spergilkálsbragði svo það er afar sniðugt að bjóða krökkum upp á þennan drykk til að koma í þau vítamínum! Hann er mildur en samt hæfilega sætur. Perur og epli eru einnig sjaldan ofnæmisvaldar svo drykkurinn hentar vel ungum börnum (segið þeim bara að&;drykkur sé „sérstakur&;risaeðludrykkur”!!). Nauðsynlegt er að nota safapressu til að útbúa þennan drykk.


Sætur og járnríkur risaeðludrykkur

Þessi uppskrift er:

  • Án glúteins
  • Án mjólkur
  • Án eggja
  • Án hneta
  • Vegan
  • Hráfæði

Sætur og járnríkur spergilkálssafi (risaeðludrykkur)

Fyrir 3-4 börn

Innihald

  • 2 litlir spergilkálshausar (brokkolí), þvegnir og snyrtir
  • 2 stór epli, þvegin og skorin í stóra bita
  • 2 perur, þvegnar og skornar í stóra bita

Aðferð

  1. Þvoið spergilkálið, eplin og perurnar. Skerið í hæfilega stóra bita og setjið allt í safapressuna.
  2. Hellið í glös og berið fram strax.

Gott að hafa í huga

  • Nota má hunangsmelónu eða fleiri epli í stað þess að nota perur.

Ummæli um uppskriftina

Engin ummæli hafa verið rituð

Skrifa ný ummæli

Vinsamlegast athugið að reiti merkta með * þarf að fylla út.
 
Innihald þessa svæðis verður ekki sýnilegt almenningi.
Þessi spurning hér að neðan er til að varna því að spamvélar geti sett inn sjálfvirkar færslur.
Vinsamlegast leggðu saman tölurnar og skrifaðu niðurstöðurnar. T.d. fyrir einn plús þrír, skaltu skrifa 4.
fimm plús sex eru