Rabarbaramuffins

Ég var að fikta aðeins í eldhúsinu og mundi eftir rabarbarasultu sem ég átti í ísskápnum. Mér fannst upplagt að prófa sultuna í muffinsa og það tókst svona prýðilega. Ef þið viljið nota heilan rabarbara í staðinn skiptið þið út sultunni fyrir 200 g af söxuðum rabarbara og 60 g rapadura hrásykur (eða annan hrásykur) en haldið öllu öðru innihaldi óbreyttu.


Hollir og góðir síðsumars muffinsar

Þessi uppskrift er:

  • Án mjólkur
  • Án hneta

Rabarbaramuffins

Gerir 10-12 muffinsa

Innihald

  • 180 g spelti
  • 1 tsk vínsteinslyftiduft
  • 1 tsk kanill
  • 250 g rabarbarasulta
  • 60 ml agavesíróp
  • 2 msk kókosolía
  • 1 egg
  • 1 eggjahvíta
  • 150 ml sojamjólk (eða önnur mjólk)

Aðferð

  1. Sigtið saman í stóra skál: spelti, vínsteinslyftiduft og kanil. Hrærið vel.
  2. Í annarri skál skuluð þið hræra saman: eggi, eggjahvítu, agavesírópi og kókosolíu. Hrærið aðeins og bætið rabarbarasultunni saman við. Hrærið vel og hellið út í stóru skálina.
  3. Veltið deiginu til án þess að hræra. Mikilvægt er að hræra ekki of mikið heldur rétt svo þannig að deigið blandist saman. Hellið mjólkinni út í (50 ml í einu). Það er ekki víst að þið þurfið alla mjólkina. Deigið á að vera það blautt að það leki af sleif í stórum kekkjum og ekki t.d. það þurrt að hægt sé að hnoða það.
  4. Takið til silicon muffinsform. Setjið nokkra dropa af kókosolíu í eldhúsþurrku og strjúkið holurnar að innan.
  5. Fyllið hverja holu nánast upp að rönd með deigi. Gott er að nota ískúluskeið.
  6. Bakið við 190°C í um 25-30 mínútur.

Gott að hafa í huga

  • Ef maður notar ekki olíu eða smjör í deigið þá getur maður hvorki notað venjuleg muffins pappírsform, né muffinsbökunarplötu úr járni. Það fást sem sé ekki muffins pappírsform sem maður getur bakað í án þess að þurfa að nota smjör eða olíu í deigið. Það sem þið getið gert er að sníða hringi úr bökunarpappír. Strikið með penna utan um undirskál og klippið út. Setjið svo í hverja muffinsholu. Það er hægt að nota muffinspappírinn í allt að sex skipti. Ef þið notið silicon muffinsform þurfið þið ekki bökunarpappír.
  • Gott er að setja appelsínubörk og meiri kanil út í deigið fyrir kryddaðra bragð.
  • Nota má undanrennu, hrísmjólk, haframjólk eða möndlumjólk í staðinn fyrir sojamjólk.
  • Ef kókosolían er hörð má stinga krukkunni í heitt vatn í nokkrar mínútur þar til hún verður fljótandi.
  • Nota má hreint hlynsíróp (enska: maple syrup) í staðinn fyrir agevesíróp.
  • Notið hamingjuegg ef þið mögulega getið.

Ummæli um uppskriftina

Engin ummæli hafa verið rituð

Skrifa ný ummæli

Vinsamlegast athugið að reiti merkta með * þarf að fylla út.
 
Innihald þessa svæðis verður ekki sýnilegt almenningi.
Þessi spurning hér að neðan er til að varna því að spamvélar geti sett inn sjálfvirkar færslur.
Vinsamlegast leggðu saman tölurnar og skrifaðu niðurstöðurnar. T.d. fyrir einn plús þrír, skaltu skrifa 4.
fimm plús þrettán eru