Krydduð bláberjasulta

Það er eitthvað algerlega frábært við að blanda saman bláberjum og kanil...samsetningin er eins og fullkomið hjónaband. Svo væri titillinn líka fínn á klámmynd „Blá og krydduð" hmm eitthvað til að hugsa um. Þetta er sulta sem hægt er að gera á 5 mínútum ef til eru bláber í frystinum (eða nýtýnd úr móanum).  Sultan er frekar þunn (meira eins og sósa) og hentar afar vel t.d. á nýbakaðar vöfflur. Hægt er að nota sultuhleypi (pectin...ég nota aldrei, aldrei, aldrei gelatin) en mér finnst best að nota ekkert slíkt og gera frekar minna magn í einu (og geyma skemur). Hægt er að frysta sultuna og er gott að frysta hana í smáum skömmtum.