Krækiberja- og engiferdrykkur

Þessi drykkur er ferskur og frísklegur og upplagður á haustin þegar maður á krækiber. Drykkurinn er fullur af andoxunarefnum úr dökkbláa hýði krækiberjanna en einnig innihalda krækiber trefjar og eru afar járnrík. Appelsínusafinn hjálpar svo við upptöku járnsins. Engiferið er óþarft að kynna en það er bæði hreinsandi og frískandi. Ef ykkur finnst engifer ekki gott má sleppa því.

Athugið að þið þurfið blandara til að útbúa þennan drykk.


Afar hollur og frískandi drykkur

Þessi uppskrift er:

  • Án glúteins
  • Án mjólkur
  • Án eggja
  • Án hneta
  • Vegan
  • Hráfæði

Krækiberja- og engiferdrykkur

Fyrir 2

Innihald

  • 100 ml appelsínusafi
  • 1 banani, vel þroskaður (eða pera)
  • 1 sm biti ferskt engifer (afhýtt og rifið)
  • 2 lúkur krækiber
  • 1 tsk agavesíróp (má sleppa)
  • Nokkrir ísmolar

Aðferð

  1. Setjið banana út í blandarann ásamt appelsínusafanum. Blandið í um 5 sekúndur..
  2. Afhýðið engiferið og rífið það á rifjárni yfir blandaranum þannig að safinn leki ofan í.
  3. Setjið krækiberin út í ásamt agavesírópi ef þið viljið. Blandið í nokkrar sekúndur (ekki of lengi svo krækiberjasteinarnir merjist ekki).
  4. Ef þið viljið drykkinn vel fjólubláan, látið hann þá standa í blandaranum í um 30 mínútur.
  5. Bætið ísmolum út í og blandið í nokkrar sekúndur.
  6. Hellið í 2 glös og berið fram strax.

Gott að hafa í huga

  • Það má gjarnan henda út í drykkinn nokkrum bláberjum.
  • Nota má vel þroskaða peru eða mango í stað banana.

Ummæli um uppskriftina

Ragna
23. ágú. 2011

Mjög góður drykkur, núna veit ég þó hvað ég get gert við krækiberin og þá verður mun skemmtilegra að týna þau.

sigrun
23. ágú. 2011

Gaman að heyra Ragna :)

Skrifa ný ummæli

Vinsamlegast athugið að reiti merkta með * þarf að fylla út.
 
Innihald þessa svæðis verður ekki sýnilegt almenningi.
Þessi spurning hér að neðan er til að varna því að spamvélar geti sett inn sjálfvirkar færslur.
Vinsamlegast leggðu saman tölurnar og skrifaðu niðurstöðurnar. T.d. fyrir einn plús þrír, skaltu skrifa 4.
tveir plús tólf eru