Kókosgrillaður kjúklingur

Þessi réttur er frekar sterkur en góður engu að síður, upplagður fyrir þá sem vilja bragðmikinn, indverskan mat. Kjúklingurinn er marineraður í kryddum og kókosmjólk sem gerir hann einstaklega meyran. Einnig má nota grænmeti í stað kjúklings. Marinera þarf kjúklinginn í 2 klukkustundir þannig að gott er að gera ráð fyrir þeim tíma við undirbúning.

Þessi uppskrift er:

  • Án glúteins
  • Án eggja
  • Án hneta

Kókosgrillaður kjúklingur

Fyrir 2-3

Innihald

  • 360 g kjúklingabringur
  • 5 g ferskt engifer, afhýtt og saxað smátt
  • 12 g ferskt coriander, saxað gróft
  • 2 hvítlauksrif, afhýdd og söxuð smátt
  • 2 rauðir chili pipar 
  • 200 ml kókosmjólk
  • 1 tsk kókosolía
  • 2 msk tamarisósa
  • 1 mtsk agavesíróp
  • 0,5 msk fiskisósa (Nam Plah)
  • Safi úr 1 límónu

Aðferð

  1. Afhýðið engiferið og hvítlaukinn og saxið smátt.
  2. Skerið chili piparinn langsum, fræhreinsið og saxið smátt.
  3. Saxið coriander gróft.
  4. Blandið saman í stóra skál; chili pipar, engifer, hvítlauk, coriander, kókosmjólk, agavesíróp, tamarisósu, fiskisósu og sítrónusafa. Hrærið vel.
  5. Setjið kjúklinginn ofan í sósuna og dreifið vel yfir. Látið skálina í ísskáp og látið kjúklinginn marinerast í 2 klukkustundir.
  6. Hitið kókosolíu á pönnu og steikið kjúklinginn ásamt svolitlu af marineringunni. Steikið þangað til kjúklingurinn er tilbúinn.
  7. Hitið afganginn af sósunni í potti þangað til hún er farin að sjóða og berið fram með kjúklingnum.

Gott að hafa í huga

  • Gott að bera réttinn fram með hýðishrísgrjónum eða byggi og fersku salati.
  • Einnig er gott að bjóða upp á nýbakað, gróft snittubrauð með matnum. 
  • Ef kókosolían er hörð má stinga krukkunni í heitt vatn í nokkrar mínútur þar til hún verður fljótandi.
  • Nota má aðra olíu en kókosolíu, t.d. vínberjakjarnaolíu eða repjuolíu.
  • Ef afgangur er af kókosmjólkinni má frysta hana í ísmolabox og nota síðar.
  • Nota má sojasósu í staðinn fyrir tamarisósu en athugið að sojasósan inniheldur hveiti.
  • Notið „hamingjusaman kjúkling" (free range) ef þið mögulega getið.

Ummæli um uppskriftina

Svanap
10. jún. 2012

Fljótleg og góð, henti henni bara í ofninn. Mild fyrir krakkana :) Takk fyrir okkur :D

Skrifa ný ummæli

Vinsamlegast athugið að reiti merkta með * þarf að fylla út.
 
Innihald þessa svæðis verður ekki sýnilegt almenningi.
Þessi spurning hér að neðan er til að varna því að spamvélar geti sett inn sjálfvirkar færslur.
Vinsamlegast leggðu saman tölurnar og skrifaðu niðurstöðurnar. T.d. fyrir einn plús þrír, skaltu skrifa 4.
þrír plús tveir eru