Kjúklingur með bönunum og rúsínum

27. febrúar, 2003

Það hljómar kannski skrítið að setja hvítlauk, rúsínur og banana saman, en það er ferlega gott. Rétturinn verður ekki of sætur því hann er frekar mikið kryddaður. Hann er próteinríkur og fitusnauður og hentar vel í miðri viku. Þessa uppskrift fann ég í fínni bók sem ég á og heitir einfaldlega Chicken!

Senda uppskrift

Prenta uppskrift

Setja í uppskriftabox

Bananakjúklingurinn með rúsínusósunni

0 ummæli

Þessi uppskrift er:

Án glúteins
Án eggja
Án hneta

Kjúklingur með bönunum og rúsínum

Fyrir 2

Innihald

Hálfur kjúklingur, grillaður og skinnlaus
2 stórir, þroskaðir bananar, sneiddir gróft
Hálf rauð paprika, sneidd þunnt
Hálfur rauður chili pipar, sneiddur þunnt
2 hvítlauksrif, afhýdd og söxuð smátt
40 g rúsínur
1 msk maísmjöl, leyst upp í 2 msk af vatni
100 ml hrein jógúrt
0,5 tsk salt (Himalaya eða sjávarsalt)
1 lárviðarlauf, mulið mjög smátt
200 ml vatn
1 gerlaus grænmetisteningur

Aðferð

Rífið allt kjöt af kjúklingnum og setjið í eldfast mót (óþarfi að smyrja mótið).
Sneiðið bananana og raðið þeim ofan á kjúklinginn.
Skerið paprikurnar og chili piparinn langsum, fræhreinsið og sneiðið þunnt. Raðið sneiðunum ofan á bananana.
Afhýðið hvítlaukinn og saxið smátt. Setjið til hliðar.
Blandið maísmjöli og 2 msk af vatni saman í stórri skál og hrærið jógúrtina út í.
Sjóðið vatn og leysið grænmetisteninginn upp. Setjið út í skálina ásamt muldu lárviðarlaufinu, hvítlauknum og rúsínunum. Látið standa í um 10 mínútur.
Hrærið jógúrtinni varlega út í stóru skálina. Blandið vel saman.
Hellið sósunni yfir kjúklinginn.
Hitið við 180°C í 10-15 mínútur.

Gott að hafa í huga

Það er mjög gott að hafa hýðishrísgrjón, bygg og nýbakað gróft snittubrauð með.
Notið „hamingjusaman kjúkling" (free range) ef þið mögulega getið.
Ef þið notið ekki grillaðan kjúkling getið þið steikt kjúklinginn (skinnlausan) upp úr smá kókosolíu og vatni.
Nota má sojajógúrt í staðinn fyrir venjulega jógúrt.
Á sparidögum er hægt að nota hafrarjóma í staðinn fyrir jógúrt.