Kalt hrísgrjónasalat

Þetta hrísgrjónasalat er fullt af vítamínum, próteinum, flóknum kolvetnum&;og hollri fitu. Það er bæði hægt að nota salatið sem meðlæti og svo finnst mér voða gott að útbúa helling af því til að geta haft það í nestisboxið.

Þessi uppskrift er:

  • Án glúteins
  • Án mjólkur
  • Án eggja
  • Án hneta en með fræjum
  • Vegan

Kalt hrísgrjónasalat

Fyrir 2

Innihald

  • 1 bolli hýðishrísgrjón (eða bygg)
  • 4-5 kirsuberjatómatar, skornir í helminga
  • 3-4 sólþurrkaðir tómatar (án olíu), saxaðir smátt
  • 2 msk furunetur, þurrristaðar á pönnu
  • 1 msk sólblómafræ, þurrristuð á pönnu
  • Hálf paprika, gul eða appelsínugul, skorin í smáa bita
  • 1 avocado, vel þroskað, saxað gróft

Aðferð

  1. Sjóðið grjónin samkvæmt leiðbeiningum á umbúðum og setjið til hliðar.
  2. Skerið kirsuberjatómatana í helminga.
  3. Saxið sólþurrkuðu tómatana í smáa bita.
  4. Þurrristið furuhnetur og sólblómafræ á pönnu (án olíu) í nokkrar mínútur eða þangað til fræin fara að taka lit.
  5. Fræhreinsið paprikuna og skerið í smáa bita.
  6. Afhýðið avocadoið, fjarlægið steininn og skerið í smáa bita.
  7. Blandið öllu varlega saman og berið fram kalt.

Gott að hafa í huga

  • Gott er að setja sesamfræ út í salatið. Þurrristið þau í nokkrar sekúndur á heitri pönnu.
  • Mjög gott er að setja svolítið af nori (svörtu þangblöðin sem notuð eru í sushi) út í grjónin. Klippið þau í mjóaar ræmur.
  • Ef þið finnið aðeins sólþurrkaða tómata í olíu má annað hvort þerra olíuna með eldhúsþurrku en einnig hef ég notað þessa aðferð: Setjið sólþurrkuðu tómatana í sigti og hellið sjóðandi heitu vatni yfir þá (um 500 ml eða svo).
  • Ólífur passa vel í salatið sem og fetaostur (í vatni).
  • Nota má bygg í staðinn fyrir hrísgrjón en athugið að bygg inniheldur glútein.

Ummæli um uppskriftina

Skrifa ný ummæli

Vinsamlegast athugið að reiti merkta með * þarf að fylla út.
 
Innihald þessa svæðis verður ekki sýnilegt almenningi.
Þessi spurning hér að neðan er til að varna því að spamvélar geti sett inn sjálfvirkar færslur.
Vinsamlegast leggðu saman tölurnar og skrifaðu niðurstöðurnar. T.d. fyrir einn plús þrír, skaltu skrifa 4.
tólf plús fjórir eru