Jarðarberjahristingur

20. júlí, 2003

Vissuð þið að til eru 600 afbrigði af jarðarberjum? Þetta var fróðleikskorn dagsins í boði CafeSigrun! Jarðarber eru full af C vítamíni og um 100 g af jarðarberjum innihalda ráðlagðan dagskammt af þessu mikilvæga vítamíni. Jarðarber innihalda einnig phenol sem er kröftugt andoxunarefni. Phenol er talið sporna gegn hjartasjúkdómum, krabbameini og bólgum í gigtarsjúklingum og einnig hafa jarðarber góð áhrif á öldrunartengd vandamál í augum. Sannkallaður ofur-hollustudrykkur!

Senda uppskrift

Prenta uppskrift

Setja í uppskriftabox

Jarðarberjadrykkur, fullur af hollustu

0 ummæli

Þessi uppskrift er:

Án glúteins
Án mjólkur
Án eggja
Án hneta
Vegan
Hráfæði

Jarðarberjahristingur

Fyrir 2

Innihald

250 g frosin jarðarber, snyrt og þvegin
1,5 vel þroskaðir bananar
100 ml sojamjólk (eða önnur mjólk)
2 msk agavesíróp ef jarðarberin eru ekki nógu sæt

Aðferð

Snyrtið og þvoið jarðarberin.
Setjið frosnu jarðarberin í blandara og hellið sojamjólkinni út í. Látið jarðarberin bíða í um 2-3 mínútur (annars er hætta á að blandarinn skemmist). Blandið í um 10 sekúndur.
Bætið banananum út í ásamt agavesírópinu ef þarf. Blandið í um 10 sekúndur eða þangað til silkimjúkt.
Hellið í glös og berið fram strax.

Gott að hafa í huga

Ef þið notið fersk jarðarber má blanda nokkra ísmola með jarðarberjunum.
Nota má bláber eða hindber á móti jarðarberjunum.
Nota má undanrennu, hrísmjólk, möndlumjólk eða haframjólk í staðinn fyrir sojamjólk.