Hressandi morgundrykkur með sætri kartöflu

Þessi drykkur kemur manni af stað á morgnana. Það er smá leyniinnihald í uppskriftinni en það er sæt kartafla! Það er gaman að bjóða gestum upp á þennan drykk og leyfa þeim að giska á innihaldið. Ég get lofað ykkur að engum dettur í hug sæt kartafla!&; Sæt kartafla er það grænmeti sem hvað oftast gleymist þegar talað er um ofurhollt grænmeti. Hún er stútfull af andoxunarefnum og er talin hafa góð áhrif á blóðsykurinn (og jafnvel geta lækkað insúlínmótstöðu hjá sykursjúkum). Það er mikið af A og C vítamíni í sætum kartöflum ásamt fjölmörgum öðrum vítamínum og öðru góðu fyrir okkur.

Nauðsynlegt er að nota safapressu fyrir þessa uppskrift. Ég skræli kartöfluna en það á ekki að vera nauðsynlegt fyrir safapressur. Mér finnst það bara betra, persónulega.


Einstaklega hressandi og kemur á óvart

Þessi uppskrift er:

  • Án glúteins
  • Án mjólkur
  • Án eggja
  • Án hneta
  • Vegan
  • Hráfæði

Hressandi morgundrykkur með sætri kartöflu

Fyrir 2

Innihald

  • Safi af einni nýkreistri appelsínu (einnig má nota hreinan appelsínusafa, um 50-75 ml)
  • 1 gulrót, þvegin
  • 1 sæt kartafla, skræld, þvegin og skorin í 4 báta
  • 1 epli, þvegið og skorið í 4 báta

Aðferð

  1. Þvoið kartöfluna og skrælið og skerið í 4 báta.
  2. Þvoið gulrótina og skerið endann af.
  3. Þvoið eplið og skerið í 4 báta.
  4. Setjið kartöfluna, gulrótina og eplið í safapressu.
  5. Kreistið appelsínusafann (ef þið notið heila appelsínu).
  6. Hrærið appelsínusafanum saman við.
  7. Berið fram í háum glösum með ísmolum.

Gott að hafa í huga

  • Gott er að nota peru á móti eplinu.
  • Gætið þess að nota hart og safaríkt epli. Ekki er gott að nota mjúk né of súr epli.
  • Nýpressaðan safa borgar sig að drekka strax og hann er tilbúinn því annars nær hann að oxast.

Ummæli um uppskriftina

Engin ummæli hafa verið rituð

Skrifa ný ummæli

Vinsamlegast athugið að reiti merkta með * þarf að fylla út.
 
Innihald þessa svæðis verður ekki sýnilegt almenningi.
Þessi spurning hér að neðan er til að varna því að spamvélar geti sett inn sjálfvirkar færslur.
Vinsamlegast leggðu saman tölurnar og skrifaðu niðurstöðurnar. T.d. fyrir einn plús þrír, skaltu skrifa 4.
þrír plús núll eru