Gullnar piparkökur

Maður minn...lyktin sem kemur þegar maður bakar þessar. Namm. Vildi að ég gæti pakkað henni í krukku og átt að eilífu. Þessar piparkökur eru sérlega hollar, jólalegar og góðar og mjög fljótlegar í undirbúningi. Þessi uppskrift að smákökum hentar vel þeim sem hafa eggjaóþol, mjólkuróþol og hnetuóþol. Einnig hentar hún jurtaætum (enska: vegan) því engar dýraafurðir eru notaðar í uppskriftina.

Þessi uppskrift er:

  • Án mjólkur
  • Án eggja
  • Án hneta
  • Vegan

Gullnar piparkökur

Gerir um 30 piparkökur

Innihald

  • 185 g spelti
  • 1 tsk vínsteinslyftiduft
  • 3 tsk kanill
  • 5 msk kókosolía
  • 115 ml agavesíróp
  • 4 msk rapadura hrásykur (eða muscovado sykur)

Aðferð

  1. Hitið ofninn í 200°C.
  2. Sigtið saman í stóra skál: spelti, lyftiduft og kanil. Hrærið vel.
  3. Setjið agavesíróp, rapadura hrásykurinn og kókosolíu í pott. Hitið varlega, á mjög lágum hita og hrærið vel þangað til allt blandast saman. Kælið í smástund.
  4. Hellið innihaldi pottsins í stóru skálina og hnoðið deiginu vel saman. Gott er að nota deigkrók á hrærivél.
  5. Klæðið bökunarplötu með bökunarpappír. Rúllið deiginu í litlar kúlur og leggið á plötuna. Gætið þess að hafa um 2 sm bil  í næstu köku.
  6. Ýtið aðeins ofan á kökurnar með gaffli (gott að dýfa í spelti áður en þið ýtið ofan á kökuna).
  7. Bakið í um 8-10 mínútur eða þangað til kökurnar eru orðnar gullnar (eða þangað til góða lyktin er alveg að fara með ykkur!).

Gott að hafa í huga

  • Nota má hreint hlynsíróp (enska: maple syrup) í staðinn fyrir agevesíróp.
  • Ef kókosolían er hörð má stinga krukkunni í heitt vatn í nokkrar mínútur þar til hún verður fljótandi.
  • Nota má svolitla klípu af negul með kanilnum.
  • Muscovado sykur fæst í heilsubúðum.

Ummæli um uppskriftina

Ingibjörg
18. nóv. 2010

Síðan verður ekki síðri fyrir þetta.
Takk fyrir allar frábæru uppskriftirnar þínar.

Bestu kveðjur

Skrifa ný ummæli

Vinsamlegast athugið að reiti merkta með * þarf að fylla út.
 
Innihald þessa svæðis verður ekki sýnilegt almenningi.
Þessi spurning hér að neðan er til að varna því að spamvélar geti sett inn sjálfvirkar færslur.
Vinsamlegast leggðu saman tölurnar og skrifaðu niðurstöðurnar. T.d. fyrir einn plús þrír, skaltu skrifa 4.
fjórir plús fjórtán eru