Greipaldin- og límónudrykkur

Eiginmaðurinn er að æfa fyrir sitt annað Laugavegsmaraþon og því fylgja alls kyns tilraunir hvað varðar næringu og drykk á langhlaupum. Hann vill helst borða heimatilbúnar orkukúlur á hlaupum og vill helst ekki næringargelið sem hægt er að kaupa og er mjög handhægt en afar ógeðfellt (að margra mati). Eftir langhlaupin er ekkert sem hann veit betra en þessi ótrúlega frískandi drykkur og segist hann hreinlega vera orðinn háður honum! Athugið að þessi drykkur bætir ekki upp söltin sem tapast eftir langhlaup, heldur er hann hugsaður sem svalandi og bragðgóð hressing. 

Mikilvægt er að nota rautt greipaldin, ekki hvítt. 


Einstaklega bragðgóður og frískandi drykkur eftir hlaupin

Þessi uppskrift er:

  • Án glúteins
  • Án mjólkur
  • Án eggja
  • Án hneta
  • Vegan

Greipaldin- og límónudrykkur

Fyrir 2

Innihald

  • 1 stórt greipaldin (rautt)
  • 1 límóna
  • 400 ml ískalt vat
  • Nokkrir dropar stevia án bragðefna

Aðferð

  1. Skerið þvert á greipaldinið (augað upp) þannig að þið fáið tvo helminga sem þið getið þrýsta ofan á sítruspressu. Gerið eins með límónuna. Hellið safanum (en ekki aldinkjötinu) í könnu.
  2. Hellið ísköldu vatni út í könnuna og hrærið vel. Bætið steviadropum við eftir smekk.

Gott að hafa í huga

  • Frysta má drykkinn í ísmolabox og láta bráðna í vatni.

Ummæli um uppskriftina

Engin ummæli hafa verið rituð

Skrifa ný ummæli

Vinsamlegast athugið að reiti merkta með * þarf að fylla út.
 
Innihald þessa svæðis verður ekki sýnilegt almenningi.
Þessi spurning hér að neðan er til að varna því að spamvélar geti sett inn sjálfvirkar færslur.
Vinsamlegast leggðu saman tölurnar og skrifaðu niðurstöðurnar. T.d. fyrir einn plús þrír, skaltu skrifa 4.
ellefu plús núll eru