Fyllt eggaldin

Þetta er mjög fínn réttur til að búa til í miðri viku því hann er fljótlegur, ódýr en um leið saðsamur. Nota má hýðishrísgrjón eða bygg í staðinn fyrir pasta.

Þessi uppskrift er:

  • Án eggja
  • Án hneta

Þessa uppskrift er auðvelt að gera:

  • Án mjólkur
  • Vegan (fyrir jurtaætur)

Fyllt eggaldin

Fyrir 3-4

Innihald

  • 225 g ósoðið speltpasta (eða hýðishrísgrjón/bygg)
  • 2 stór eggaldin (enska: eggplant/aubergine) eða 3 minni
  • 1 stór laukur, saxaður gróft
  • 2 hvítlauksgeirar, marðir
  • 1 msk kókosolía
  • 400 g saxaðir tómatar (ferskir eða í dós)
  • 2 tsk oregano
  • 0,5 tsk salt (Himalaya eða sjávarsalt) og smá klípa svartur pipar
  • 30 g magur ostur, rifinn
  • 45 g mozarella ostur (magur ef hann er til) skorinn í mjög þunnar sneiðar eða rifinn
  • 15 g parmesan ostur, helst ferskur
  • 5 msk brauðmylsnur, spelti eða heilhveiti (gott er að nota gróft hrökkbrauð og mala í matvinnsluvél)

Aðferð

  1. Sjóðið pastað í 8-10 mínútur eða þangað til það er næstum tilbúið, sigtið, kælið með köldu vatni og setjið til hliðar.
  2. Skerið eggaldin í helminga (lárétt), hreinsið innan úr þeim með beittum hnífi, án þess þó að skemma hýðið.
  3. Skafið kjötið úr og saxið.
  4. Afhýðið lauk og hvítlauk. Saxið laukinn gróft og hvítlaukinn smátt (eða merjið hann).
  5. Hitið kókosolíu í potti. Steikið laukinn í um 5 mínútur eða þangað til hann er orðinn mjúkur. Notið vatn ef þarf meiri vökva.
  6. Bætið hvítlauknum við og hitið í 1 mínútu.
  7. Bætið saxaða eggaldinkjötinu út í.
  8. Bætið tómötunum og oregano kryddinu út í og smakkið til með salti og pipar.
  9. Látið suðuna koma upp og leyfið þessu að malla í um 10 mínutur eða þangað til blandan fer að þykkna.
  10. Bætið pastanu út í og hrærið vel í 2 mínútur.
  11. Raðið eggaldin helmingunum á bökunarpappír (hýðið á að snúa niður).
  12. Setjið helminginn af pastablöndunni í hverja skel.
  13. Skerið mozarella ostinn í þunnar sneiðar eða rífið. Rífið einnig magra ostinn sem og parmesan ostinn.
  14. Raðið mozarella sneiðunum ofan á.
  15. Setjið afganginn af pastablöndunni ofan á.
  16. Blandið saman brauðmylsnunni, magra ostinum og parmesan ostinum og dreifið yfir.
  17. Bakið í ofni við 200°C í 25-30 mínútur eða þangað til eggaldinkjötið er orðið mjúkt og osturinn bráðinn.

Gott að hafa í huga

  • Einnig má nota magran brauðost (11%) í staðinn fyrir mozarella.
  • Parmesan ostinn má einnig minnka, notið þá meira af brauðosti í staðinn.
  • Nota má sojaost í staðinn fyrir venjulegan ost ef þið hafið mjólkuróþol eða eruð jurtaætur.
  • Nota má maískorn, paprikur og sveppi í fyllinguna.

Ummæli um uppskriftina

asa
04. nóv. 2011

eggaldin

Skrifa ný ummæli

Vinsamlegast athugið að reiti merkta með * þarf að fylla út.
 
Innihald þessa svæðis verður ekki sýnilegt almenningi.
Þessi spurning hér að neðan er til að varna því að spamvélar geti sett inn sjálfvirkar færslur.
Vinsamlegast leggðu saman tölurnar og skrifaðu niðurstöðurnar. T.d. fyrir einn plús þrír, skaltu skrifa 4.
tveir plús núll eru