NestiNesti
Það er gott og blessað að borða hollt og margir sem borða hollt svona „yfirleitt”. Mesti vandinn liggur hins vegar oftar en ekki í bæði „milli mála mat” og „eftir 4 mat”. Þið vitið þegar maður fer bráðum að fara heim úr skóla eða vinnu, er svangur en er búinn með hádegismatinn!!! Það er yfirleitt þá sem fólk lætur freistast í súkkulaðistykkið, í sælgætið og í allt þetta óholla. Sannleikurinn er nefnilega sá að um þetta leyti fer blóðsykurinn að lækka og það versta sem við getum gert er að skjóta sykri í blóðið þannig að blóðsykurinn hækki hratt og detti svo niður aftur um kvöldmatarleytið. Það þýðir að við borðum meira og oft óhollara en við ætlum okkur. Hver þekkir ekki að vera orðinn sársvangur fyrir kvöldmat og stinga upp í sig kexi eða brauði?
Ég hef tekið saman hér hugmyndir að nesti fyrir þá sem eru í skólanum eða í vinnunni eða bara heima hjá sér. Sumir hafa aðstöðu til að hita sér mat frá kvöldinu áður en aðrir hafa hana ekki. Ég hef tekið mið af því með því að skipta hugmyndunum niður eftir því hvort þið eruð með góða aðstöðu eða ekki. Nestið er meira hugsað fyrir fullorðna þó hægt sé að finna nesti fyrir börnin líka.
Gott að eiga
- Nokkur lítil nestisbox (fyrir þurrkaða ávexti og orkubita)
- Nestisbox með skrúfuðu loki (fyrir súpur, kássur og pottrétti sem gæti lekið úr). Gott að pakka inn í plastfilmu eða poka til öryggis
- Langt, flatt nestisbox fyrir vefjur eða samlokur
- Meðalstórt, djúpt nestisbox fyrir mat sem ekki lekur úr
- Lítið box fyrir t.d. eitt egg eða prótein/undanrennuduft
- Nestispoka
- Plastfilmu
- Teygjur
Morgunmatur
- Hafragrautur
- Morgunverður í glasi
- Muesli með AB mjólk og 1 tsk agavesírópi
- Speltbrauð með osti
- Lífrænt framleidd hrein jógúrt eða AB mjólk með 1 tsk agavesírópi, hunangi eða sultu úr heilsubúð
- Alls kyns orkudrykkir
Góð aðstaða (t.d. örbylgjuofn, blandari, samlokugrill)
- Bollasúpur (hægt að kaupa í heilsubúðum) með kókosbrauðbollum
- Bollasúpur + bætið soðnu pasta eða hrísgrjónum (afgöngum) í til að gera þær matarmeiri
- Misosúpur (þunnar súpur með þangi og tofu, fást í heilsubúðum). Eru ekki matarmiklar en frábær fylling á milli mála og bráðhollar
- Alls kyns súpur að heiman sem má hita upp
- Alls kyns grænmetisréttir. Það má taka nánast alla grænmetisrétti með sér í nesti og hita upp. Til dæmis er gott að taka með sér pottrétti, pastarétti, hrísgrjónarétti, grænmetisborgara, hnetusteikur o.fl. Suma rétti getur maður líka borðað kalda eins og borgara, vefjur o.fl.
- Alls kyns orkudrykkir. Gott er að taka hráefnið með sér í nestisbox og blanda á staðnum.
- Samlokur til að rista eða hita
- Hafragrautur
Engin aðstaða (eða nesti útbúið með fyrirvara)
- Kraftakögglar
- Döðlu- og hnetubitar
- Próteinbitar
- Flap jacks (orkukubbar)
- Orkustangir frá Lärabar eða aðrar orkustangir úr heilsubúðum eru sniðugir. Gætið þess þó að margar orkustangir eru algjört rusl og með hrúgu af aukaefnum
- Sólblómabrauð eða hollt rúgbrauð, heimabakað speltbrauð með grænmeti, osti, hnetusmjöri úr heilsubúð, hummus o.fl.
- Hrískökur (rice cakes) með t.d. hnetusmjöri, grænmetiskæfu, sultu, osti o.fl.
- Vefjur með spínati og hummusi, vefjur með grænmeti o.fl.
- Alls kyns salöt
- Niðurskornir ávextir og grænmeti (t.d. gulrætur, gúrkur, paprikur) með hollri ídýfu (sinnepssósu)
- Rækjusalat
- Túnfiskssalat
- Ýmiss matur getur verið góður kaldur eins og t.d. grænmetisborgarar, sumir pottréttir, hnetusteik o.fl.
Á milli mála og seinni partinn
- Hnetur og rúsínur
- Ávextir
- Þurrkaðir ávextir t.d. epli, mango, aprikósur, sveskjur, döðlur, gráfíkjur
- Harðsoðin egg (ég borða einungis hvítuna en ágætt er að borða 1 rauðu af og til)
- Lífrænt jógúrt t.d. frá Biobú (er lífrænt og innheldur hrásykur en ekki hvítan sykur)
- Hrískökur með t.d. sultu úr heilsubúð, hummus eða þunnu lagi af hnetusmjöri
Á milli mála (eða þegar maður á það virkilega skilið)
(t.d. eftir erfiðan fund eða erfiðan tíma í skólanum) eða í lok dags þegar mann langar í eitthvað sætt! Ég veit að maður á ekki að verðlauna sig með mat en stundum verður maður bara og þá eru þessar hugmyndir milljón sinnum betri en að kaupa nammi!….
- Fjölmargar uppskriftir má finna hér að einhverju sætu og hollu
- Konfekt (hver segir að maður megi bara borða konfekt og smákökur á jólunum!!)
- Smákökur
- Muffins (hægt að pakka í plastpoka, frysta og taka með í nestisboxið)
- Kökusneið
Kraftaköggull - fyrir ræktina
Þessir orkubitar eru alveg svakalega fínir og alveg æðislegir eftir ræktina til að hjálpa vöðvunum aðeins til að stækka.
Kryddað kjúklinga- og vínberjasalat
Þetta er einfaldur og hollur réttur, upplagður á sumardegi eða þegar maður vill bera fram kaldan og hollan rétt.
Kryddaðar skonsur með þurrkuðum ávöxtum
Þetta voru fyrstu skonsur sem ég bakaði og hef bakað þær milljón sinnum síðan.
Kryddaðir appelsínu- og gulrótarmuffins
Ég fékk þessa uppskrift úr einni muffins bók sem ég á sem heitir Muffins; Fast and Fantastic.
Kryddbrauð
Mmmmmmm þessi uppskrift er rosalega góð og brauðið er æðislegt alveg glænýtt úr ofninum og pínu klesst. Múskatið gefur sterkt og kryddað bragð.
Linsubaunabuff
Þessi uppskrift kemur úr uppskriftabókinni Grænn kostur Hagkaupa sem ég held mikið upp á. Það er upplagt að búa til fullt af buffum og frysta.
Litlar hnetusteikur með tómatsívafi
Það má útbúa stærri hnetusteik (frekar en að gera litlar hnetusteikur) en mér finnst gaman að bera fram svona litlar fyrir hvern og einn og skreyta með grjónum, salati, sósu o.fl.
Malasísk kókossúpa með hrísgrjónanúðlum
Þessi uppskrift er svolítið maus en er alveg rosalega góð. Hægt er að nota tofu eða sojakjötsbita í staðinn fyrir rækjurnar.
Möndlu- og agúrkusalat
Þetta salat er alveg hreint dæmalaust hollt og hreinsandi. Það er beinlínis barmafullt af vítamínum, próteinum, kalki, trefjum, steinefnum, andoxunarefnum og ég veit ekki hvað.
Möndlu- og kókoskaka með bláberjabotni
Þessi kaka er án glúteins og er mjög einföld í smíðum. Ég fann uppskriftina á vef konu sem heitir Jeena og ég held mikið upp á.
Möndlukúlur frá miðausturlöndum
Þetta konfekt myndi seint teljast létt. Eftir kvöldmat, með kaffinu er maður eiginlega saddur eftir hálfa svona kúlu.
Mozzarella salat með tómötum og basil
Þetta salat þekkja eflaust margir sem hafa verið á Ítalíu og er líklega ein af ástæðunum fyrir því að Ítalir lifa svona lengi.
Mung baunaspírur
Þessar hefðbundnu baunaspírur sem maður kaupir t.d. í austurlenskan mat eru yfrleitt mung baunir. Það er auðvelt að láta þær spíra og þær eru afar bragðgóðar.
New York salat með grilluðu grænmeti og hnetum
Þetta salat er undir beinum áhrifum frá New York. New York er eins og allt sem maður sér í sjónvarpsþáttum og bíómyndum og auðvitað meira en það! Þvílíkt matarhimnarríki.
Ólífubrauðbollur með pestó og parmesan
Ég bjó til þessar bollur því mig langaði í bollur til að bera fram með tómatsúpunni frá Zansibar.
Orkubiti með carobkremi
Þetta eru verulega, verulega hollir orkubitar, saðsamir, næringarríkir, fullir af vítamínum, steinefnum, hollri fitu, próteinum og flóknum kolvetnum.
Orkuhnullungar
Þessum hnullungum svipar mikið til þeirra kaka sem fást stundum innpakkaðar í plasti á kaffihúsum.
Orkumuffins
Þessi uppskrift er dálítið tímafrek þannig að gefið ykkur góðan tíma ef þið ætlið að fara að baka hana.
Paella með hýðishrísgrjónum
Árið 2000, í ágústmánuði vorum við Jóhannes stödd í litlu, spænsku fjallaþorpi sem heitir Mijas.
Pasta með reyktum laxi eða silungi
Þetta er æðislega góð uppskrift. Ég nota yfirleitt reyktan silung úr Slíðdalstjörn í Borgarfirði (vatninu sem foreldrar mínir og fleiri eru með á leigu).
Pasta með reyktum laxi og spínati
Fyrir ykkur sem ekki veiðið (og reykið) fiskinn sjálf þá er auðvelt að kaupa reyktan fisk í flestum verslunum (bæði silung og lax).
Peru- og engifermuffins
Þessi uppskrift kemur nokkuð breytt úr nýjustu bókinni hennar Nigellu Lawson, Nigella Express.
Pintóbaunamauk
Þessi uppskrift er úr bókinni Grænn Kostur Hagkaupa sem er ein af mínum uppáhaldsbókum. Ég minnkaði olíumagnið aðeins og notað smávegis af eplasafa í staðinn.
Pistachio og súkkulaðibitamuffins
Þessi uppskrift er glúteinlaus og er úr bókinni Gluten-Free French Desserts and Baked Goods eftir Valérie Cupillard.
