Eggja- og grænmetisréttur í ofni

Þessi réttur er bara svona hversdagsmatur, ekkert neitt spari en engu að síður bragðgóður, próteinríkur, magur, hollur og verulega þægilegur réttur.

Þessi uppskrift er:

  • Án glúteins
  • Án hneta

Þessa uppskrift er auðvelt að gera:

  • Án mjólkur

Eggja- og grænmetisréttur í ofni

Fyrir 2

Innihald

  • 250 g blómkál eða spergilkál (brokkolí), brotið í sprota
  • 1 laukur, afhýddur og skorinn í sneiðar
  • 2 litlir tómatar, skornir í sneiðar
  • 50 g reykt tofu (úr heilsubúð), skorið í bita (má sleppa)
  • 10 svartar ólífur, sneiddar
  • Hálf rauð paprika, fræhreinsið skorin í strimla
  • 80 g magur ostur, rifinn
  • 2 egg
  • 2 eggjahvítur
  • 200 ml sojamjólk eða undanrenna
  • 1 msk maísmjöl eða spelti
  • 1 tsk karrí
  • 0,5 tsk paprika
  • 0,5 tsk salt (Himalaya eða sjávarsalt)
  • Smá klípa svartur pipar

Aðferð

  1. Brjótið blómkálið í sprota og sjóðið í 8-10 mínútur.
  2. Afhýðið laukinn og skerið í sneiðar.
  3. Skerið tómatana og ólífurnar í sneiðar.
  4. Rífið ostinn á rifjárni.
  5. Skerið paprikuna langsum, fræhreinsið og skerið í strimla eða þunnar sneiðar.
  6. Skerið tofuið í frekar litla bita.
  7. Setjið blómkálið í frekar stórt, eldfast mót (óþarfi er að smyrja mótið).
  8. Raðið lauknum yfir og því næst papriku, ólífum og  tofui.
  9. Hrærið saman eggjum, mjólk, maísmjöli, papriku, karríi, helmingnum af ostinum (40 gr), salti og pipar. Hellið yfir réttinn.
  10. Bakið við 180°C í 20 mínútur.
  11. Takið út úr ofninum, dreifið ostinum yfir og bakið í 10 mínútur eða þangað til osturinn er bráðinn.

Gott að hafa í huga

  • Til að gera meiri mat úr þessum rétti má hafa soðin hýðishrísgrjón eða bygg og eitthvað gott salat með.
  • Berið fram með tamarisósu.
  • Nota má alls kyns grænmeti í réttinn t.d. kúrbít, gulrætur, kartöflur o.fl.
  • Notið hamingjuegg ef þið mögulega getið.
  • Nota má undanrennu, hrísmjólk, haframjólk eða möndlumjólk í staðinn fyrir sojamjólk.
  • Ef þið hafið mjólkuróþol má sleppa ostinum eða nota sojaost í staðinn.
     

Ummæli um uppskriftina

Engin ummæli hafa verið rituð

Skrifa ný ummæli

Vinsamlegast athugið að reiti merkta með * þarf að fylla út.
 
Innihald þessa svæðis verður ekki sýnilegt almenningi.
Þessi spurning hér að neðan er til að varna því að spamvélar geti sett inn sjálfvirkar færslur.
Vinsamlegast leggðu saman tölurnar og skrifaðu niðurstöðurnar. T.d. fyrir einn plús þrír, skaltu skrifa 4.
fjórir plús núll eru