Cashewhneturjómi

Þessi rjómi er sniðugur fyrir þá sem þola ekki mjólkurvörur eða soyarjóma en vilja samt gera vel við sig t.d. á tyllidögum. Þetta er mjög hollur rjómi þar sem cashewhnetur innihalda minni fitu en aðrar hnetur. Um 75% af fitunni í cashewhnetunum eru ómetteðu fitusýrurnar oleic sýrur sem er sama holla einómettaða fitan sem finnst í ólífuolíu. Sýran stuðlar að heilbrigðu hjarta, sérstaklega hjá sykursjúkum. Cashewhnetur innihalda einnig kopar, kalk og fosfór og auðvitað prótein.

Þessi uppskrift er:

  • Án glúteins
  • Án mjólkur
  • Án eggja
  • Vegan

Cashewhneturjómi

Gerir 200 ml

Innihald

  • 190 g cashewhnetur lagðar í bleyti í um 2 tíma
  • 2 döðlur lagðar í bleyti í um 2 tíma
  • 1 tsk vanilludropar eða vanilluduft
  • 125 ml hreinn appelsínusafi

Aðferð

  1. Hellið vatninu af cashewhnetunum og döðlunum (vatnið er ekki notað).
  2. Blandið öllu saman í matvinnsluvél, blandið mjög vel eða þangað til rjóminn er orðinn mjúkur og flaueliskenndur og engir bitar eru eftir. Gæti tekið 3-4 mínútur eða lengur.
  3. Setjið í skál og plastfilmu yfir.
  4. Kælið rjómann í ísskáp áður en hann er borinn fram.

Gott að hafa í huga

  • Hægt er að nota t.d. heslihnetur eða möndlur í staðinn fyrir cashewhnetur.

Ummæli um uppskriftina

gestur
11. ágú. 2013

Hæ hæ.
Takk fyrir frábæra síðu.
Hvað geymist þetta lengi í kæli?
Kv. móðir ungabarns með mjólkuróþol

sigrun
11. ágú. 2013

Hæ hó og takk :)

Ég myndi geyma hann í viku en ef þú ætlar að geyma hann lengur myndi ég frysta hann. Þú getur líka notað hafrarjóma, sojarjóma eða kókosrjóma fyrir barnið (nema það hafi ofnæmi).

Skrifa ný ummæli

Vinsamlegast athugið að reiti merkta með * þarf að fylla út.
 
Innihald þessa svæðis verður ekki sýnilegt almenningi.
Þessi spurning hér að neðan er til að varna því að spamvélar geti sett inn sjálfvirkar færslur.
Vinsamlegast leggðu saman tölurnar og skrifaðu niðurstöðurnar. T.d. fyrir einn plús þrír, skaltu skrifa 4.
fjórir plús níu eru