Heilsu-Konfekt?
En já..þetta er dæmi um það sem ég ætlaði ekki að blogga um he he og hér er annað: Í verslun einni rakst ég á hillu sem seldi Heilsu konfekt. Það vakti að sjálfsögðu forvitni mína. Utan á pakkanum var yfirskrift eins og Þurrkaðir ávextir, hnetur og möndlur. Hnetur eru hollar og ríkar af ómettuðum fitusýrum (satt) og Í þurrkuðum ávöxtum er mikið af trefjum sem eru mikilvægar í mataræði okkar (líka satt...en það voru bara engir þurrkaðir ávextir í pokanum).
Ég var á hlaupum í gegnum búðina og náði ekki að lesa næringarinnihaldið ítarlega en innihaldslýsingin var um það bil svona: Ristaðar heslihnetur, sykur, kakósmjör, nýmjólkurduft, kókosmassi, bindiefni (E-322).
Undirskriftin undir þessu öllu saman var svo: Hollar vörur úr náttúrunni.
Sko... Nú er ég fyrsta manneskjan til að samþykkja að hnetur séu hollar enda borða ég ótæpilega af þeim (prótein, vítamín, ómettaðar fitusýrur o.fl.). Kakó er líka hollt í temmilegu magni (andoxunarefni, járn o.fl.). Dökkt súkkulaði með hrásykri er líka gott svona spari. Hvítur sykur er það hins vegar ekki, ekki heldur E efni og ekki heldur kókosmassi (sem, ef hann inniheldur ekki kaldpressaða eða óherta kókosolíu, er nánast einungis mettuð fita og jafnvel transfita).
Fólk grípur með sér svona poka og dælir innihaldinu í sig því það er búið að setja fullt af hollustuslagorðum á pakkann (sem næstum því virkuðu á mig).
Það sem væri töluvert betra að gera, er að fá sér lúku af hreinum heslihnetum (eða döðlum, aprikósum, rúsínum o.fl.) og saxa lífrænt framleitt, dökkt súkkulaði með hrásykri og maula með. Maður getur meira að segja gert svona konfekt sjálfur heima með hollu súkkulaði. Mér leiðist þegar neytendur eru nánast plataðir. Hafið í huga að ég er ekki að selja neitt í staðinn svo ég græði ekkert á því að þið borðið ekki Heilsu konfekt. Ég hef nákvæmlega engra hagsmuna að gæta með því að vera að röfla. Ég er bara pirruð yfir því þegar venjulegt fólk, í leit að lausnum og hollara líferni, er platað. Lausnirnar eru aldrei svona einfaldar.
Ummæli
04. sep. 2009
hehe jú lausnin er einföld :)
Borða allt í hófi og hreyfa sig hihhihi :)
... en ég veit hvað þú meinar samt hehe ...
04. sep. 2009
allllllveg sammála thér!!! THetta er hrikalegt ad neytendur séu blekktir svona!! Fólk kaupir thetta i godri tru um ad thad se ad gera goda hluti!! Ussss.....
04. sep. 2009
Frábært hjá þér að koma með þessa sögu: og hrista upp í okkur að lesa innihaldslýsingar á því sem við kaupum.Takk ,takk:o))
06. sep. 2009
Það þarf konu eins og þig til að útrýma fáfræðinni; hvað gerðum við án þín ;-) Ég trúi því varla að ég hafi einu sinni borðað jógúrthúðaðar hnetur og rúsínur í þeirri trú að þetta væri hollusta!
06. sep. 2009
Svoooo sammála.
09. nóv. 2009
Sæl.
Þetta er að sjálfsögðu satt að mörgu leiti.
Ég sjálf kaupi þessa vöru reglulega og kemur þetta í staðinn fyrir hlaup og annan óþverra.
Og finn ég sjálf gríðarlegan mun á sjálfri mér eftir að ég byrjaði að neyta þetta í stað annarra góðgæta.
Sjálf er ég búin að vera í miklu aðhaldi og klárlega er þetta fremst í skápnum hjá mér á Laugardögum :)
Ég er mjög sátt með þessa vöru !
Kveðja,
Lilja