Kuldafatnaðurinn

Hrund vinkona mín sendi mér þessa brilliant hugmynd að jólagjöfinni í ár. Veit ekki um neitt sem gæti verið fullkomnara fyrir mig....Take notice people.

Annars er ekkert skrýtið þó ég sé búin að vera þreytt og ómöguleg að undanförnu. Náði mér í svæsna hálsbólgu. Ég verð ótrúlega sjaldan lasin, það er meira en ár síðan ég fékk einhverja pest. Svo yfirleitt þegar ég verð lasin þá er ég drulluslöpp alveg heillengi á undan. Það hefði verið kraftaverk ef ég hefði sloppið undan öllum pestunum sem eru að ganga. Ég hef samt siglt í gegnum hrikalegar flensur, kvefpestir og allt þó að fólk sé hnerrandi við hliðina á mér. Það er hollt mataræði, ekki einasta spurning um það.

Jóhannes vill setja mig í einangrun því hann hefur engan tíma til að vera lasinn....Ég gæti kannski búið í þessum dásamlega kuldagalla? Jesús hvað mig langar í svona flík. Þá myndi ég LOKSINS hætta að kvarta. Talandi um kvart þá sendi ég póst á World Class því það er alveg fáránlega kalt í búningsklefanum, sérstaklega þar sem maður þurrkar sér. Björn Leifs svaraði að flestum fyndist of heitt.....en sagði svo að það væri reyndar bilað hitakerfið í gólfinu....Hann má eiga það að ef maður sendir póst og er að kvarta undan einhverju, þá svarar hann sjálfur (ekki það að ég kvarti oft, hef bara þurft að kvarta tvisvar). Það mega fleiri svona stór fyrirtæki taka sér til fyrirmyndar!