Bananamauk (og ýmis afbrigði af bananamauki)

Bananamauk er alveg ótrúlega sniðugur matur. Ekki bara fyrir lítil börn heldur nota ég oft bananamauk t.d. í drykki (í blandara) og í bakstur. Oft er talað um að bananar séu hin fullkomna fæða (meira að segja í tilbúnum umbúðum) og ég held að það sé svei mér þá rétt. Best er að nota vel þroskaða banana því annars gætuð þið átt á hættu að fá bananamaukið framan í ykkur aftur í mótmælaskyni. Banana þarf ekki að sjóða og má mauka þá beint en auðvitað gæta þess að það séu ekki stórir bitar í maukinu. Eins og sjá má hér fyrir neðan má setja margt og mikið saman við bananamaukið enda er hann góður grunnur. Öll maukin henta börnum 6 mánaða og eldri.

Þessi uppskrift er:

  • Án glúteins
  • Án eggja
  • Án hneta
  • Vegan

Bananamauk (og ýmis afbrigði af bananamauki)

Hvert mauk gerir 6-8 skammta

Innihald

  • 350 g vel þroskaður, lífrænt ræktaður banani.
  • 1-2 tsk vatn eða stoðmjólk/þurrmjólk/móðurmjólk
  • 1 tsk smjör eða olía (t.d. ólífuolía)
  • Maukið bananann og olíu/smjör og mjólk (ef notuð) vel þangað til engir litlir bitar eru eftir. Gott er að nota síu eða sigti
Nokkur afbrigði af bananamauki Banana- og bláberjamauk
  • 150 g fersk, íslensk bláber eða lífrænt ræktuð bláber
  • 200 g lífrænt ræktaður, vel þroskaður banani
  • 1 tsk smjör eða olía (t.d. ólífuolía)
  • 1-2 tsk vatn eða stoðmjólk/þurrmjólk/móðurmjólk
  • Gufusjóðið bláberin í nokkrar mínútur
  • Blandið öllu saman með töfrasprota eða í matvinnsluvél. Maukið mjög vel þannig að engir stórir bitar eða flygsur séu eftir
  • Gott er að nota síu eða sigti
Banana- og eplamauk
  • 150 g eplamauk
  • 200 g lífrænt ræktaður, vel þroskaður banani
  • Blandið öllu saman með töfrasprota eða í matvinnsluvél. Maukið mjög vel þannig að engir stórir bitar eða flygsur séu eftir
  • Gott er að nota síu eða sigti
Banana- og perumauk
  • 150 g perumauk
  • 200 g lífrænt ræktaður, vel þroskaður banani
  • Blandið öllu saman með töfrasprota eða í matvinnsluvél. Maukið mjög vel þannig að engir stórir bitar eða flygsur séu eftir
  • Gott er að nota síu eða sigti
Banana- og mangomauk
  • 150 g mangomauk
  • 200 g lífrænt ræktaður, vel þroskaður banani
  • Blandið öllu saman með töfrasprota eða í matvinnsluvél. Maukið mjög vel þannig að engir stórir bitar eða flygsur séu eftir
  • Gott er að nota síu eða sigti

Aðferð

Gott að hafa í huga

  • Maukin má frysta.
  • Gott er að frysta í klakabox og setja molana svo í góða frystipoka. Merkið pokana með innihaldi og dagsetningu.
  • Gott getur verið að bæta við þurrmjólkurdufti eða smávegis af móðurmjólkinni út í maukið í fyrstu skiptin.
  • Gott er að blanda smávegis af hrísmjöli saman við grautinn til að auka fjölbreytni.

Ummæli um uppskriftina

Engin ummæli hafa verið rituð

Skrifa ný ummæli

Vinsamlegast athugið að reiti merkta með * þarf að fylla út.
 
Innihald þessa svæðis verður ekki sýnilegt almenningi.
Þessi spurning hér að neðan er til að varna því að spamvélar geti sett inn sjálfvirkar færslur.
Vinsamlegast leggðu saman tölurnar og skrifaðu niðurstöðurnar. T.d. fyrir einn plús þrír, skaltu skrifa 4.
sex plús einn eru