Avocado- og ananasdrykkur

Þessi drykkur (smoothie) er frábær fyrir alla fjölskylduna. Ananasinn inniheldur ensímið Bromelain sem er frábært fyrir meltinguna og avocado er stútfullt af hollustu því það inniheldur m.a. einómettaða fitu, mikið af E vítamíni og ekki nóg með það þá inniheldur það oleic sýru sem er talin sporna gegn brjóstakrabbameini. Avocado er stundum kölluð „krókódílapera” vegna áferðarinnar en það er alveg örugglega ekkert krókódílakjöt í þessarri uppskrift! Drykkurinn er góður fyrir krakka en ef þið gefið mjög ungum börnum drykkinn, sleppið þá sítrónusafanum. Drykkurinn er nokkuð þykkur en hann má þynna með því að setja aðeins meiri ananassafa. Þið þurfið blandara til að útbúa drykkinn en ekki er nauðsynlegt að nota safapressu (ef þið kaupið ananassafa í fernu) en auðvitað er alltaf betra að nota ferska ávexti.

Þessi uppskrift er:

  • Án glúteins
  • Án mjólkur
  • Án eggja
  • Án hneta
  • Vegan
  • Hráfæði

Avocado- og ananasdrykkur

Fyrir 2

Innihald

  • 400 g ananas (eftir verkun) eða 300 ml hreinn ananassafi
  • 1 vel þroskað avocado, afhýtt og saxað gróft
  • Safi úr 1 sítrónu

Aðferð

  1. Afhýðið ananasinn og kjarnhreinsið. Skerið 400 g af ananas og setjið hann í safapressuna. Þið þurfið um 300 ml af ananassafa. Ananas er misjafnlega safaríkur svo kannski þurfið þið eilítið meira af ananas.
  2. Afhýðið avocado og saxið gróft. Setjið í blandara ásamt sítrónusafanum og maukið í um 10 sekúndur eða þangað til silkimjúkt. Bætið ananassafanum út í og maukið í um 5 sekúndur.
  3. Hellið í könnu og berið fram strax.
  4. Ef notaður er ananassafi úr fernu má setja hann beint út í blandarann og mauka með avocadoinu.
  5. Berið fram strax í stórum glösum með ísmolum.

Gott að hafa í huga

  • Ef drykkurinn er of þykkur má bæta svolítilli sojamjólk eða meiri ananassafa út í.
  • Ef drykkurinn er ekki nógu sætur (hann ætti að vera það með þroskuðum ávöxtum), má setja um 2 msk af agavesírópi út í.
     

Ummæli um uppskriftina

Engin ummæli hafa verið rituð

Skrifa ný ummæli

Vinsamlegast athugið að reiti merkta með * þarf að fylla út.
 
Innihald þessa svæðis verður ekki sýnilegt almenningi.
Þessi spurning hér að neðan er til að varna því að spamvélar geti sett inn sjálfvirkar færslur.
Vinsamlegast leggðu saman tölurnar og skrifaðu niðurstöðurnar. T.d. fyrir einn plús þrír, skaltu skrifa 4.
fimm plús fjórtán eru