Appelsínu, gulrótar og engifersdrykkur

Þessi drykkur er fullur af C vítamíni og er hreinsandi líka. Engiferið róar magann og oft hefur engifer verið talið betra en sjóveikistöflur þegar maður er sjóveikur. Ég verð að vera sammála vegna þess að sjóveikistöflur gera mann svo hroðalega syfjaðan og mér finnst þær bara auka á vanlíðan. Þetta er upplagður drykkur í byrjun árs, eftir allan jólamatinn þegar líkaminn er farinn að öskra á eitthvað hollt og vítamínríkt. Þennan drykk er best að gera í safapressu en einnig má kaupa appelsínusafa og gulrótarsafa í heilsubúðum og blanda saman.

Þessi uppskrift er:

  • Án glúteins
  • Án mjólkur
  • Án eggja
  • Án hneta
  • Vegan
  • Hráfæði

Appelsínu, gulrótar og engifersdrykkur

Fyrir 2

Innihald

  • 200 ml appelsínusafi (nýkreistur)
  • 50 ml gulrótarsafi (2-3 gulrætur)
  • 1 sm bútur ferskt engifer, afhýddur

Aðferð

  1. Ef notaður er blandari: Setjið gulrótarsafann og appelsínusafann í blandara. Afhýðið engiferið og rífið það á rifjárni þannig að safinn leki ofan í blandarann. Blandið í 10 sekúndur.
  2. Ef notuð er safapressa: Þvoið og skrælið gulræturnar. Afhýðið engiferið. Setjið gulrætur og engifer í safapressuna. Hellið í könnu og blandið appelsínusafanum út í.
  3. Berið fram strax.

Gott að hafa í huga

  • Gætið þess að gulrótarsafinn sé ekki of kaldur því þá verður hann svolítið bragðlaus.
  • Nýpressaðan safa borgar sig að drekka strax og hann er tilbúinn því annars nær hann að oxast.
     

Ummæli um uppskriftina

Engin ummæli hafa verið rituð

Skrifa ný ummæli

Vinsamlegast athugið að reiti merkta með * þarf að fylla út.
 
Innihald þessa svæðis verður ekki sýnilegt almenningi.
Þessi spurning hér að neðan er til að varna því að spamvélar geti sett inn sjálfvirkar færslur.
Vinsamlegast leggðu saman tölurnar og skrifaðu niðurstöðurnar. T.d. fyrir einn plús þrír, skaltu skrifa 4.
tveir plús fimm eru