Ævintýragrasker í kókosmjólk

20. október, 2007

Þessi réttur fylgdi með spínatréttinum úr dularfulla húsinu í skóginum í Nairobi.

Mjög einfaldur og mildur réttur sem hentar vel sem meðlæti fyrir alls kyns rétti. Upplagður þegar grasker eru komin á kreik í október og nóvember. Eins og með flest grænmeti í Afríku er það vel salt þegar það er borið fram og það sama á við um þennan rétt. Minnkið saltið eftir smekk.

Senda uppskrift

Prenta uppskrift

Setja í uppskriftabox

Ævintýragraskerið frá Nairobi

0 ummæli

Þessi uppskrift er:

Án glúteins
Án mjólkur
Án eggja
Án hneta
Vegan

Ævintýragrasker í kókosmjólk

Fyrir 4 sem meðlæti

Innihald

200 g grasker, afhýtt, fræhreinsað og saxað gróft
50 ml kókosmjólk
1 tsk salt (Himalaya eða sjávarsalt)
0,5 tsk cayennepipar
1 tsk ferskt coriander, saxað (má sleppa)

Aðferð

Takið börkinn af graskerinu og skerið graskerið í grófa bita (munnbitsstóra).
Sjóðið graskerið í vatni og helmingnum af saltinu (0,5 tsk) þannig að fljóti yfir. Sjóðið í um 15 mínútur eða þangað til graskerið er nokkuð mjúkt þó ekki alveg lint.
Hellið vatninu af og setjið aftur í pottinn ásamt kókosmjólkinni. Saltið með afganginum eða 0,5 tsk af saltinu.
Hitið en sjóðið ekki og berið fram heitt.
Saxið coriander smátt.
Kryddið með cayennepipar og coriander.