Ævintýragrasker í kókosmjólk

Þessi réttur fylgdi með spínatréttinum úr dularfulla húsinu í skóginum í Nairobi.

Mjög einfaldur og mildur réttur sem hentar vel sem meðlæti fyrir alls kyns rétti. Upplagður þegar grasker eru komin á kreik í október og nóvember. Eins og með flest grænmeti í Afríku er það vel salt þegar það er borið fram og það sama á við um þennan rétt. Minnkið saltið eftir smekk.


Ævintýragraskerið frá Nairobi

Þessi uppskrift er:

  • Án glúteins
  • Án mjólkur
  • Án eggja
  • Án hneta
  • Vegan

Ævintýragrasker í kókosmjólk

Fyrir 4 sem meðlæti

Innihald

  • 200 g grasker, afhýtt, fræhreinsað og saxað gróft
  • 50 ml kókosmjólk
  • 1 tsk salt (Himalaya eða sjávarsalt)
  • 0,5 tsk cayennepipar
  • 1 tsk ferskt coriander, saxað (má sleppa)

Aðferð

  1. Takið börkinn af graskerinu og skerið graskerið í grófa bita (munnbitsstóra).
  2. Sjóðið graskerið í vatni og helmingnum af saltinu (0,5 tsk) þannig að fljóti yfir. Sjóðið í um 15 mínútur eða þangað til graskerið er nokkuð mjúkt þó ekki alveg lint.
  3. Hellið vatninu af og setjið aftur í pottinn ásamt kókosmjólkinni. Saltið með afganginum eða 0,5 tsk af saltinu.
  4. Hitið en sjóðið ekki og berið fram heitt.
  5. Saxið coriander smátt.
  6. Kryddið með cayennepipar og coriander.

Gott að hafa í huga

  • Nota má butternut squash í staðinn fyrir grasker.
  • Ef afgangur er af kókosmjólkinni má frysta hana í ísmolabox og nota síðar, t.d. í svona súpur.

Ummæli um uppskriftina

Engin ummæli hafa verið rituð

Skrifa ný ummæli

Vinsamlegast athugið að reiti merkta með * þarf að fylla út.
 
Innihald þessa svæðis verður ekki sýnilegt almenningi.
Þessi spurning hér að neðan er til að varna því að spamvélar geti sett inn sjálfvirkar færslur.
Vinsamlegast leggðu saman tölurnar og skrifaðu niðurstöðurnar. T.d. fyrir einn plús þrír, skaltu skrifa 4.
tveir plús fimm eru