Uppáhaldstími Jóhannesar er genginn í garð. Ekki vegna þess að hann hlakki svona svakalega til jólanna sérstaklega, eða snjósins… Það er nefnilega SMÁKÖKUTÍMABIL….Ég er reyndar löngu byrjuð að gera tilraunir að hausti en í desember gengur í garð svona opinbert smákökutímabil. Við erum löngu hætt að borða óhollar smákökur og sem betur fer, miðað við allt magnið sem við torgum. En hvað um það, það er tími til kominn til að setja á sig svuntuna og bretta upp ermarnar. Á jólamatseðlinum 2009 er ég m.a. með smákökur, hráfæðiskökur, hnetusteik, konfekt, vanillumús og margt fleira. Sendið mér bara línu ef þið hafið einhverjar spurningar.