Jólauppskriftir CafeSigrun 2008 komnar inn

Það kennir ýmissa grasa að þessu sinni og t.d. má hér finna hollari Sörur (eða CafeSigrúnur he he)…Franska súkkulaðiköku (guðdómleg), Asparssúpu, Vanilluís, Bláberja- og súkkulaðiís og margt fleira. Það er smá súkkulaðiþema enda eru jólin óneitanlega samtengd þessu frábæra hráefni sem inniheldur endalaust mikið af andoxunarefnum. Athugið þó að hægt er að nota carob í allar uppskriftir í stað súkkulaðis/kakós ef þið eruð viðkvæm/hafið ofnæmi fyrir kakóinu. Einnig má oft skipta út súkkulaði/kakó fyrir eitthvað annað í uppskriftum svo enginn þarf að örvænta. Ég vona að uppskriftirnar falli vel í kramið.

Efst frá vinstri: Sveskju- og cashewkonfekt, Súkkulaði- og möndlubitar (fudge), Súkkulaði,- pistachio,- og hafrabitar, Bláberja- og súkkulaðiís, Asparssúpa, Banana,- hafra,- og súkkulaðikökur, Kryddaðar hafra-, súkkulaði,- og rúsínukökur, Franska súkkulaðikakan hennar Lísu, Súkkulaðiávaxtakakan hennar Nigellu, Möndlukökur- með súkkulaðikremi, Sörur, Vanilluís

Viltu segja eitthvað?

Sigrún, Sigrún, Sigrún, hvað á maður að segja annað en að nú toppaðirðu alveg sjálfa þig!

Ég átti von á öllum kræsingunum með súkkulaðinu en ég vissi ekki hvert ég ætlaði þegar ég sá asparssúpuna. Er einmitt alin upp við það að fá asparssúpu á jólunum en geri hana samt aldrei sjálf. Nú verður bætt úr því hið snarasta.

Og ég þarf greinilega að gera CafeSigrúnur

Þúsund þakkir

Sæl og takk innilega fyrir þetta.
Ég er einmitt farin að skoða uppskriftir þar sem ég byrja að baka 6. des. Það eina sem mér finnst skritið er að hafa hnetur í smjörkremi á sörunum, ætti ég reyni ekki að breyta því eitthvað.
En allt hitt litur rosalega vel út. nammi namm!

Takk Lísa mín

Korinna: Það er ekki bara skrítið heldur stórfurðulegt að nota hnetur í ‘smjörkremi’ en þar sem ég nota aldrei smjör verður maður að impróvisera Það má alltaf gera venjulegar Sörur ef maður fílar ekki þessar.

Vá þú ert nú meiri snillingurinn! Mig langar bara að prófa allt saman! Takk fyrir að græja svona flottar uppskriftir fyrir okkur, þú ert æði!
Kveðjur frá Akureyrinni.

umm ekkert smá girnilegt,, sérstaklega franska kakan og sigrúnurnar,,,

Takk Fanney Dóra og takk Elísabet…

vá…vá, þetta lítur svakalega vel út hjá þér.

Takk fyrir þetta-hlakka til að prófa Sigrúnurnar og reyndar ýmislegt annað. Gaman að sjá meira hrátt hjá þér, maður er ekki alltaf í gírnum til að kynda ofn ef það er bara þörf og tími fyrir eina uppskrift. Kveðja Stína

guðdómlega girnilegt!

Takk Ingvi, Stína og Oddný Gott að fá klapp á bakið.

Ég var að spá í einu, hvað heldurðu að pistasíugómsætlingarnir geymist lengi?

yummi yummi eins og Larsen sagði … lítur allt óheyrilega vel út og bragðast örugglega enn betur Ætli ég/við prófum ekki bara … ALLT !! Er að spá í Sörum með hvítu súkkulaði – sjáum hvernig það gerir sig … kyss&knús frá Köben

Takk Anna Stína..þú ættir að geta notað kakósmjör í allt (eða hvítt súkkulaði) í staðinn fyrir kakó. Láttu mig ENDILEGA hvernig tekst til ef þú ferð út í svoleiðis framkvæmdir

Fanney Dóra: Pistachiobitarnir geymdust vel í ísskápnum í viku og ef þú bleytir ekki pistachio hneturnar geta þeir geymst í alveg 3-4 vikur (vatnið kemur enzínum af stað)….Þú getur líka alltaf fryst bitana og tekið einn og einn út…þannig geymast þeir í alveg 3 mánuði…í góðu boxi.

Halelúja!

Glæsilegt! Takk fyrir þetta

Alltaf sami snillingurinn, þúsund þakkir mín kæra!